Oct 11 [Wed] @ Oct 13 [Fri] - 0854

1. 大家估下呢個象形文字像 D 乜野？同之前個「皿」形容同一樣野，不過就唔同狀態，大家估唔估到呢？我想某位實估到既。



還有係呢日我見到呢個象形文字 ↓



呢個係一個「界」字，唔知大家諗到 D 乜野呢，Tips 係同「人」有關的！估唔估到呢？估唔到就反白睇答案 → 呢個「界」其實係一個女仔既背面，身穿紅色大露背超短裙，結果就一雙腿就露晒出黎。我係一入 Academic Building 就見到呢個咁火辣辣既鏡頭，個女仔正面都還可以既，係好白。

2. 到放學既時候，唔知係咪太攰而個背囊太重，係落樓梯個陣屈一屈個右膝頭，點屈法？就係類似向前拗一拗咁，都咪話，到依家都隱隱作痛。禍不單行，之後又屈一屈到手指。。。Sign。

---
Oct 12 [Thu] @ Oct 13 [Fri] - 0938

1. 呵，一朝早出左香港仔同肥仔打羽毛球！咁異常地少人，應該閒日會有 D 阿姐級、前港隊 Book 兩個場打幾粒鐘，但係今日就無。咁打左一粒鐘，都叫有流下汗，不過就唔太夠喉啦，隔離兩個阿叔起碼 Book 左 3 個鐘。。。可能無打好耐，D 手腳都有 D 唔聽洗。

之後 Lunch @ 椰林閣，齊頭每人 $35。肥仔趕住翻屋企教個女仔做 Java，呵呵。你係得既，講住電話打波，點認真啊！下期不如打網球吧，之但係羽毛球同網球個「手勢」大不同呢，好易整親。。。

2. 咁行過運動店，睇過 D 壁球拍，果然係有平有貴！Hea 打頂到盡兩舊水連線！！到真係成日打個陣先換塊好 D。肥仔，就一人一塊拍吧！咪講笑，個護眼罩都要 $150。壁球真係一個高消貴既運動。

想抵 D？可以買塊壁球拍，Size 同羽毛球拍差唔多，當羽毛球拍用得！而且佢又可以承受強力衝擊，當網球拍用又得！係咪好抵呢，哈哈。

不過壁球真係好危險咁，唔理會唔會撞到人，個波飛得咁衡，打中眼就實迫粒眼珠出黎，打中鼻就爆鼻，打中牙就甩牙。。。危險。羽毛球除左俾 Partner 打中、對方飛拍之外，就好安全，俾個波打中都剩係痛一下。

PS. 學校會教打壁球，真幸福。。。不過我都好幸運，有機會試過係 PE 堂拎住殘缺不全既木拍打爛既羽毛球，拎翻 D 正常 D 既拍打真常 D 既波感覺自己好波左。 XXD

3. 由於肥仔趕住教人 Java，結果 1330 就走，咁我見有時間就去翻學，今堂臨尾個 Lecturer 發爛咋，LOL。之後都趕翻屋企做埋個 C++ Assignment，最後夜晚一點半終於搞好晒，應該係 Bugs Free 了。。。仲差個 Report！

話事話，呢期都有人問我 JAVA，我最想講既係。。。「我無寫 JAVA 好耐了。。」。肥仔，我唔係講緊你。

Oct 13 [Fri] - 1012，That’s All.

---
2402，巧忙！聽日補翻今日 Diary。