Oct 15 [Sat] - 0905，唉。。。又係第二日補個 Diary，此風絕不可長！！

1. 話說呢期肥仔話下年暑假面要陪人去旅行，目的地為日本東京。聽完個一刻覺得好富貴喎！重點係暑假去，一個人最少皮幾野啦嘛。去得東京都係買野，而且做人男朋友又可能要帶多少少、請下對方食下飯咁。絕對係一個奢侈既玩意。

咁分兩方面去睇，首先就係可唔可以儲夠皮幾野出發呢？照肥仔依家喪翻工，佢話過完暑假先儲夠錢，仲要係儲錢期間無特別消費喎。咁又無時間再搵多份工搵錢，咁可唔可以同人講唔去日本呢？原來係得架喎！可以去歐洲，哈哈。死未，仲重皮。咁又可以唔可以同人講唔去旅行呢？原來講完之後還是堅持要去，哈哈。一係就過左暑假又後淡少少先去旅行，但係肥仔又要趕住投身社會，真係呵呵呵。咁點算呢，肥仔大大？

原來肥仔係咁無 Say，仲以為佢同佢另一半既勢力均等添，俾人食住。。。這個問題又可以歸究出男方搵錢搵得少過女方。肥仔，我期待你 D 手信！努力搵錢吧！

2. 放學同 Wilson 食 $13 吉野家 Late Tea。根據定義，「頹飯」是指平而好難食既飯。吉野家細牛飯絕對唔係頹飯！！咁屈指算算，佢一個月賺好多下喎。暮然回首，發覺自己係就業不足。。。真係好頭痕。我絕對係一個斂財既人！！又好唔抵得佢一個月賺咁多，唔該搵人 Cut 佢堂，或者剋扣佢工資！

咁今個禮拜無工開，又唔補翻日俾我。絕對係激死我的！估唔到會就業不足。。。即係 UnderEmployment，試解釋就業不足對 VICTOR帶來有甚麼影響 (5 Marks)。就算撇開錢既問題，剩係識晒新個 D都唔夠 Credit，咁不如唔好補吧。無謂浪費大家時間嘛。看來要有人幫我反映下。都好既，呢期咁多野做，當多日假期囉。

3. 自己好蠢囉，係呢 D 咁忙既日子仲花左成晚去做 D 唔關自己事既野。一頭咪完個 C++ 另一頭去咪個 JAVA。講真，我覺得都自招既，但係對方又唔醒目。肥仔個 D 就唔同，知道我忙都唔搵我搞，反而個位就係咁打電話黎話唔識做，真係 __ 街。

我真係想一句「我唔識做，搵個第二個。」得埋去。這些功課最好就問同學，起碼佢地自己都知道份野要求乜野。又唔知佢又講到 1999，剩係得過聽字囉，唔用紙寫低邊記得咁多野先。個位 Lecturer 個 D JAVA 其實係唔難，只係巧妙 D，上堂留心佢教過乜野，咁通常都係用翻個 D 唧。搵個堂都無上，剩係學得一個 Sem JAVA 既人去做，唔係做唔到既，要花時間囉。咁我自己既 Assignment 就可以糟糕了！

把幾火真係學其他人見到「來電號碼隱藏」又或者明知係佢打黎就唔聽佢電話！！唔想做到咁衰既，不過係佢迫我。

Oct 15 [Sat] - 0958，好，做 Digital Media Assignment！That’s All.