2244，開始。

1. 呢幾日都無覺好睏，咁尋晚都夜夜地睏。今朝翻九半，成 0805 先醒，極速裝身出門，但係香港仔隧道例塞，塞到我遲到。。。之但係翻到去都係得小貓三四，今朝堂 Tutorial 一半人都無，哈。

之後上 C++，人數上好少少咁啦，不過都唔係多人。今日個 Lab 都 Hea 得好緊要下，好快就落堂。今日派翻份 C++ Quiz，50/65，還可以啦，不過有 D 位真係錯得好低能。講開 Mid-Term，Computer Architecture 下個禮拜就測，唔太曉喎，頭都大埋。。。

由於時間都早早地，都無乜胃口食 Lunch，咁去 Library Hea 下，VNC 翻下屋企咁。買左 D 零食去上 Tutorial，又係勁 Hea。。。之後就同埋 D 同學去做 Sound Basics 既 Assignment，搞左好耐下。。。搞到最尾個堂走左，其實係太攰 & 肚餓。。。過程都 OK 既。

2. 咁又一城近期最吸引我既野當然就係吉野家啦，$13 Tea Set 真係抵爆，聽日又可以食佢！咁近行去 City 個似扶手電梯個頭開左間幾 High Class 既 Cafe？真係要搵日試試佢先得，要來個 Wilson 召喚了。

另外由於要錄音既原故，今日行左去火車站既另一邊。近距離見到理想酒店 (真光中學旁) ，點解要指明地點呢？無他既，間時鐘酒店對出係大大隻字寫住，驚 4 無人知咁。原來火站既另一面又有間 7-Eleven，唔怪得之又一城裡面無囉。

又一城原來唔俾人坐 / 蹲地的！今日有位管理員伯伯走埋黎睇住人家 Set Equipment。。。仲有係唔影得相架？！我唔信！雖則佢係個商場，但係都唔似既。。。

3. 真係攰得好緊要，係亡命 Van 上面都睏得著。。。 翻到家都係打打 CS:S 咁。今晚開左套長篇動畫睇，就係《Gundam》！！仲要係原祖 0079 個隻添。雖則係十幾廿年前既動畫，畫風有 D 爛，但係都 OK 喎，比起想像中好好多了！

一集 20 mins，比起依家既動畫短呢。睇左 3 集，有多少超級機械人既影子，玩格鬥既。。。馬沙成日自言自語、第二話就出「三倍速度」既紅渣、第三話仲有格鬥之王 - 舊渣古！真係絕對唔講得笑！非常之期待呢！

PS. 這個 Gundam 多步曲多終於開始了，唔知要睇幾耐先可以睇晒咁多套 Gundam 呢。

2342，一次個補撈翻 D 動畫，有點吃力。。。家中 DVDr 無晒，聽日要買翻 D 解一解個燃眉之急先！其實呢，只要係有心思 / 靚既 Greeting Card 就得架喇，又唔洗一定要 Hallmark 既，American Greetings 個 D 都 OK 架。點都好，張 Birthday Card 都幾靚，岩我 Style，Thank You ~ 夜晚有人提點我「唔好俾人呃」，多謝 =v= That’s All.