2245，咪講笑，都真係攰到爆。今日發生了一些恐怖事件。。。

1. 近期發覺自己戒了一種良好既習慣，就係睏晏覺！主要原因當然因為要翻學所以無得睏啦。但其實 Tue、Thu、Sat、Sun 都仲有機會睏既，但係就無事忙忙走晒 D 時間。

夜晚夜睏，朝早又早起，無覺好睏。。。今日翻晏，出門口前「騾騾」張床。幾分鐘後。。。翻學意慾係零。。。就係個個 Moment 醒起我無睏晏覺好耐了。。。唔知幾時有得再睏晏覺呢？

翻學翻得兩粒鐘，撘車都撘成兩個幾鐘，都咪話唔花時間。。。咁上堂都好 Hea 下，終於講到 Object Oriented，非常之好！走個陣無去吉吉買細牛，翻到屋企勁肚餓囉。。。

2. 呢兩日係 City 見到好多舊同學，尋日見到 Gary 咪咪咀笑住咁離開 City，學肥仔話，應該一拳打埋去！And Then 今日係連續兩個禮拜同一個時段 & 地點見到阿瑜，兩次都係佢同我 Say Hello，咁好眼既佢，不過真係好搞笑，佢依然咁 ____ 。到 Break 個陣見到上去 ITEC 個位 ____，學 Wilson 話，佢係唔會同人打招呼的，我肯定佢見到我，不過唔緊要，我都唔會同佢打招呼。到最後見到心愉姐姐 w/ BoyFriend，心愉變左 OL！？！其實早排係世貿都見到佢兩個，男個個應該見到我，不過同佢唔係太熟，都唔會點打招呼，哈哈。

3. 今日繼續《Gundam 0079》，極速睇到 17 話，呵呵呵。好多經典場面都出左，布拉度耳光！！仲要出左兩招添！

由於呢期大部份動畫都播完，咁又係燒碟既時候！翻學前去左 298 買左 50 隻 DVD-R，$125。老細話係特別版黎喎。咁我問佢有無唔係特別版，佢就話無。咁個套 DVD-R 都算係特別版？！無言。。。

上期俾 +hung 呃個批 DVD+R 仲係度無用過，都唔知點好，都有廿幾隻。有無人會用 +R 啊，低價賣出去！

4. 翻學前發生了一件恐怖事件，劇情同電視劇上既恐怖片一樣的！話說開個花灑想話沖沖個頭，咁開住個水喉等 D 水熱啦，咁出去一陣翻黎再望一望，竟然出血水！！！鬼佬鬼節都唔洗玩 D 咁既野嘛。。。真係嚇死人。

諗多兩諗，醒起今日係洗食水箱，個 D 係污糟水黎唧。之前煮野食個陣都唔覺有問題，突然間變色所以嚇一嚇唧。放左好耐水先變翻正常。。。真係放左好耐呢。搞到都遲左好多出門口。。。

5. 呢一兩日係度諗，無理由咁多日某人都唔打電話黎架喎，點知今晚偏夜時間就打左黎問 JAVA，死未！唔知點解，講極佢都唔明我會覺得好炆。Programming 既野靠自己比較穩陣。。。現在想一想「為何要聽佢電話呢？」。。。

依家可以抖下，下期 Assignment 2 Weeks 後就來了，個 Abstract Animation 都 __ 硬街，麻煩。。。好似好忙咁，但係仲有時間去做其他野，總之生活上得不到平衡我會感到好不安，個心好唔安樂。。。亦會覺得好辛苦。唉，想搵個人陪下都唔容易。快到到 November 那天就好了，我要大肆慶祝！

2421，今日就係咁多了，聽日一定要食吉吉細牛！！That’s All.

PS. To _____：我鍾意用你個 Friend 做 Example，吹啤呀！咬我啦笨，呵呵。都唔識人用 HKBN，咁岩見佢咪用用佢。