2245，哈，今期 Theme Song 就係 Alicia Keys 既《If I Ain’t GotYou》，係 Unplugged Live Version。講都講左好多次了，哈哈。

1. 今朝八點半起過一次身，她正在 Online，之不過想睏耐 D，所以都無理佢了。今日睏到十點鐘，遲過 Optimum Wake Up Time，所以覺得無咁精神！！

之後補習，今次講邊個 Topic 唔重要，重要既係知道一 D 野。。。唔知邊個「衰人」唱我話我補得唔好！ 玩完了，無得再係學校兜客了，俾人唱衰左。仲要話「補得唔好唔俾錢！」。。。之但係依家俾左錢我，咁我係咪即係補得好？我仲要靠佢地介紹 D 補習過我。。。我好等錢洗！

不過話時話，有人做壞頭啦，點會俾 Notes 架，搞到我好似好衰咁。都係補 Account 個個唔好！

補完兩粒鐘諗住完架喇，點之蝦米兄上黎搞破壞，咁我好順利呃多 45mins，照計。證明補習都係單對單好，最多兩個人，再多個人就好難補。補完之後請左位妹妹食 KFC，同埋蝦米兄三個人去食。食完之後又要幫蝦米兄睇睇部電腦。

2. 上到去蝦米家，隻狗一黎就吠我。全程隻狗好似想咬我咁。。。我係一 D 唔會養寵物既人黎，唔好放隻狗埋我身邊，我唔知我會做 D 乜野出黎。

之後發覺。。。好污嘈！佢張電腦枱真係十萬個唔掂。。。要執執佢先得。反而間房都 OK 既，起碼有張書枱似翻個學生。佢個 Keyboard 同 Monitor 真係勁恐怖 Dirty，真係掂都唔敢掂。唔該俾十個 _ _ _ _ _ _ 俾我套住 D 手指等我好放膽同安全咁用 Keyboard。

佢部電腦都係新呢，P4 2.4 GHz + 512MB Ram，快過我部電腦差唔多成 GHz。。。不過用 Magic-Pro 底版真係比較唔掂啦。佢個 harddisk 唔知點解無晒 D 野，咁就好快咁 Install 翻個 Windows 就搞掂開得翻機，不過其他 Software 就要靠佢自己 Install 翻了。

咁就比佢見到一 D 疏忽既結果 ，我都唔想的，但又真係估唔到成功嘛，呵呵。

3. 2008 年北京奧運吉祥物 ↓



坦白說，我覺得好核突 。。。好有中國 Feel 就真既，似細細個睇個 D 中國繪圖，又係塊面無顏色但係臉珠有一 Pat 粉紅色。例如，大大吹波糖個個包裝紙。

PS. 剛剛醒起，佢個似做大戲個 D 化妝啊！！

Sydney三隻吉祥物都覺得太多，今次仲要一黎五隻。。。好 Lur 水 Feel。福娃。。。Sigh。不過至爛都係個 D 名，夾埋晒就係「北京歡迎你」。。。__！呢五隻福娃個代表意思唔夠一致，有 D 格硬黎咁。

總括來說，我對呢批吉祥物好感真的不大，可能唔夠 Grand 掛。上年雅典個兩隻反而就覺得唔錯。如果大家想知多 D 北京奧運吉祥物的資料的話就 Click [呢度] ，想睇翻歷屆吉祥物就 Click [呢度] ，雅典個一對就 Click [呢度]

2408，今日 CS:S 再次翻晒黎咁，呵呵呵。不過想換過塊 3M MousePad，依家隻 Optical 有多少唔係咁順滑咁。That’s All.