1949，玩到頭痛。。。

2232，Age of Empires III …

1. 去完 Church 之後就去左數碼港 Lunch，今次係第一次認認真真咁行數碼港。說實在，真係幾好景架喎！個度有個公園仔，不過就比較荒蕪 D 同埋 D 假銅像比較像真 + 恐怖。

數碼港有好多住宅，好多外國人住，覺得變左另一個赤柱、淺水灣咁。真係好多外國人，仲有好多好 Cutie 既細路仔。咁岩有個馬戲團係數碼港個度作短期表演，算係比較多人呢。

係 Ground 個間「恆香樓」食，叫餸食飯，老師請。食物都幾掂的說，不錯不錯。但其實數碼港搵間唔掂既食肆都唔係易嘛。係數碼港出沒既朋友可以試一試呢間野。遲下得閒再去下數碼港食野先得！

可惜既係數碼港交通都唔算太方便呢！撘車好煩下。

2. 尋晚 Download 左 AOE3，翻到屋企就 Install 左隻 Game 試左陣。哈，隻 Game 竟然無想像中咁 Lag，係大場面炸到起大煙個 D 場面就會 Lag 一兩下咁！

不過覺得 AOE3 個畫面好似個 D 3D Online Game 咁，唔及得 AOC 個 D 簡單直接，而且又少左 D 兵種。自己玩左一陣就玩到頭痛。。。呵，臨床實驗測試，呢隻 Game 比 CS:S 更費神去玩。

本來諗住同 +hung 試下 DirectIP 玩既，點知搞好耐都連唔到。。。放棄了！真係無癮，看來要玩都係玩翻 AOC 算了。

2320，真係好攰呢。。。所以都要早 D 睏。That’s All.