1240 @ SCM，今天看不成戲，原因是各人都不能 / 不願走堂請假。太難就時間了，看來在家中看算吧，反正劇場版同 TV 版都係大同小異。屋企睇仲慳翻 $30 添。

2154，今晚決定睇《CSI》，已經錄左幾集未睇，再唔睇就無時間睇了！

今朝起身都有 D 頭赤赤 ，可能早過 Optimum Wake Up Time 起身掛。咁超趕刷牙洗面，食塊包、飲杯蜜糖水就出門口。巴士異常地多人。。。

上堂都無乜特別，Sound Basics 個 Test 做得唔好。。。唔開心。之後個堂又係無乜特別，派翻 3D Illusion Model 既分，托賴，Pass 左。。。不過至搞笑就係發覺今日個 Instructor 每一句結尾都係「呢」，可能緊張掛。事原係討論到一 D 問題，咁佢講左個睇法，但係同學就唔同意，爭持左好耐都無共識。也許因為咁可能感到壓力而係咁「呢」。

走個陣幾個同學都異口同聲咁唔滿意某位 Instructor，非常好的說。大家都認同「他是一位好囂既 Designer」，仲要由佢個肚睇得出黎。反而另一位就係謙虛的 Designer。原來咁多人唔妥佢。

睇唔成戲再加上朋友仔唔得閒，Hea 唔成。咁就落去長沙灣交 Form，結果都係欠 D 野，又要再搵日去過。。。咁之後撘亡命 Van 回家。

回到家後頭痛依然，臨尾都要食止痛素。。。唉。。。 同 +hung 再試多次 AOE3 DirectIP 咁玩，點知都係唔得。。。Sigh … 夜晚都無乜特別，打下 CS:S 咁，不過今晚打個 D Map Lag Lag 地，不爽！如是者，睇埋《CSI》咁就一日。呢套 CSI : Miami 今日係 Last Episode，下個禮拜就做 CSI : NewYork。又要重新認過 D 人樣了！

2308，今日超無聊咁就過左。聽日 DayOff 我要溫書！ That’s All.

PS. 1. 好耐都無同阿妹 Chat，今晚講左兩句。哈，唔知點解，當有 D 哎吔兄弟姊妹稱呼翻我做哎吔乜乜物物個陣會有一份親切感，而且仲有一 D 莫名其妙既開心呢！

PS. 2. 唔知有無講過，我極討厭 D 人唔覆 Message！就算係一 D 好簡單既答案好似「OKOK」、「好」、「無事了」都唔緊要，起碼知道個 Message 無石沈大海。花 $0.5 覆翻個 Message 又或者唔洗錢咁係 IM 度留個 Message 都好。這些是基本禮貌來的。天殺！