2237，打緊，等陣。

2245，我出事了。。。

1. 看一看 ↓



哈，概然拎到本週刊，今日當然有翻到 Church 啦。咁翻之前睏左 20mins，Quick Charge 都不知幾管用！如是者就腳浮浮咁行翻去。教會年歷本主日踏入新的一年的說，有蠟燭點。今年好似係以馬可福音為重點？！

由於有 D 神智不清，都聽唔到 D 乜野。之後上堂，今期有新方式，就係咁討論問題。有好多都係 Open-End Questions，不過的確值得去想一想的說。真係唔講起唔會點諗，一講起就有個感覺就係「係喎，點解會咁既？」。只是馬可福音既第一章就有這麼多「為甚麼」呢！

有個問題好有問題既就係「洗禮的意義」，是否代表現在身心都 Ready 去順服神，與神作一個約定，罪能夠得到赦免，代表重生的見證？！咁唔受洗又是否代表唔接受神呢？！睇翻第九節，點解耶穌要受洗呢？他不就是神的兒子，為何要受洗呢？他受洗完要去曠野受試探，咁唔受試探又得唔得呢？要受洗完先可以傳道？

還有的是，點解馬可福音無記載耶穌出世的事跡呢？但係馬太福音、約翰福音又有記載此事。馬可福音這樣寫是否有一些特別用意呢？咁多人唔揀，點解係施洗約翰替耶穌施洗呢？

總之就係頭個十幾節有好多好多點解。。。諗過，但係都諗唔通咁。不過有樣最特別就係第 13節「他在曠野四十天受撒但的試探．並與野獸同在一處．且有天使來伺候他」。或許大家會覺得又曠野又野獸，那環境必定非常危險，也許是他的「Faith」又或許其他的東西，但係天使都來保護他、伺候他，那時那刻又會變成最平安的地方。

雖然今日搵唔答案，但係就得到不少啟示同反思，真的不錯！話時話，今日牧師去左邊呢？！搵唔到佢既。

2. 同朋友講話我通完頂，佢地話唔似，因為精神得好緊要。。。其實係迴光反照。。。不過我都唔知點解異常地精神。現在係個肉體好攰，但係精神又唔係好攰。

上完堂食 Lunch @ McDonalds，排隊排左好耐。。。其實係 Counter Staff 既問題。。。慢到嘔。尋日 KFC，今日 McDonalds，聽日好大機會係吉野家。。。

咁今日見到 D 靚姐姐。講開呢，之前學校既靚姐姐殘ing，唔再係靚姐姐了。。。係老麥見到一位都 OK 既姐姐 (其實應該係妹妹)，不知為甚麼，她好似 Feel 唔到自己露「股 La」。咁就露足成個 Lunch Time。望完、食完散水。回家途中見翻一個早我一、兩屆既姐姐 (呢次肯定係姐姐！) ，咪講笑，Cute 得黎又有少少 Cool。係 +e 姐姐個種 Type，不過比 +e 姐姐更省鏡，都有幾分似涼子姐姐！

3. 翻到屋企發覺隻左腳腳面好似腫左，似扭親。。。唔屈得，一屈就勁痛，行路都要拮下拮下。。。好痛啊！！

洗個頭就睏覺，1600 睏到 1800。醒既原因係電話響，同學問我 C++。由於唔想講野，Send 左份 Assignment 過佢自己睇，參考下既唧，我有信心！咁夜晚睇下電視，打 Report、做Online Quiz、填 SFQ 咁就一 Day。。。累透極了！

咁聽日如無意外有得 Tea ~ Yea Yea ~ 本來諗住聽日睇戲既，但係同她相量過後都係唔好住，怕 Monday 翻工攰，咁就禮拜四先睇。Good！

佢真係呢。。。我唔知點講好，成日逼我做決定。。。問佢鍾意唔鍾意又無所謂，雖然真係無乜所謂。但係事但都應該揀個 Choice 嘛。唔得咁架，好似我逼你咁。。。我都想妳鍾意架嘛！

2422，上年呢個時間又係做緊 Programming，不過係 JAVA。可以睇翻 [呢度] 同 [呢度]。That’s All.

---
0712，連續激戰 13 小時，終於砌低份 C++ Assignment，沖過涼先，翻黎再講。。。

0732，污糟左成日，沖過涼零舍精神。。。

由尋日晏晝睏醒晏覺開始做，做左咁耐，真係人都癲。。。真係咪話，自己都估唔到會為一份 Programming既 Assignment 挨通頂，仲要唔係今日交，係禮拜一交。我都唔知點解咁有耐力 + 恆心去完成呢份咁既野，真係世事難料，CM 個 D 功課反而遲交都唔做。。。

講下有乜阻滯先，由於睇左不下數百次，基本上都知條題目想點。咁大阻滯就係有電視節目想睇！由 2030 開始到 2300 都無乜點做過，掛住睇電視、講電話，你又咪理，我好 Enjoy 喎。咁之後其實 Technical 障礙比預期中少，整體來說都好順利。

不過係後期開攰爆個陣就差 D，花左都 OK 多時間諗 D 好簡單既野。。。錯 Logic、Get 唔到 Variable、Get 錯 Variable、打錯 Variable 司空見慣，已經麻木左。

看到令人朝氣勃勃既日出，都差唔多做好份 Assignment。阿娘睏醒既時間就係我手舞足蹈振臂高呼既時間。。。通了一晚頂，得到下雙黑眼圈。。。無刷牙咁耐，俾細菌有機可乘！？個肚餓到凹晒。。。去廁所都得好密，因飲左好多水。手腳間中有唔協調，即係唔聽洗。。。睇野睇到有殘像，都咪話唔恐怖。

做得咁辛苦為乜？只為見到個笑哈哈 ↓



自己俾笑哈哈自己，哼！！



Assignment 一浪接一浪，時間係要偷要搶先夠用。。。真陰公。呢份 Assignment 打埋個 Report 同加翻 D Comments 就 Finish，有錯都唔會改架喇。係想多 D 時間做其他 Assignment 唧。。。陣間都唔知翻唔翻到 Church，我怕我暈低。。。

0841，

弟：「六點幾都未睏。」
我：「都不知幾精神，打死幾隻老虎！(樹起手指公，做過 Good 手勢)」
娘：「你錯了，佢係無睏過。佢好早睏，六點幾都未睏。」