2412，有相睇！Tea 既相黎！

從 Wilson 的角度看 ↓



從 VICTOR 的角度看 ↓



PS. 可以影出有質素既相既手機真可貴。。。

---
2108，打緊。。。

2101，夜欄人靜處 響起了一片幽幽的Saxophone。。。

1. 今日唔夠睏就翻學，頭赤赤。。。咁到 City 之後行去 CS Department，咁行樓梯既途中見到一兩個女仔，開頭都無乜為意。咁交完 Assignment 走個陣見到一大班女仔同一兩個男仔。心諗，無理由 CS 有咁多女仔架喎。。。都覺得有 D 奇怪。到 Podium 望翻個牌，發覺 Applied Science Department 係 CS Department 樓上，唔怪得之有咁多女仔啦。。。

咁準時行到去上堂，發覺得 4 丁友，計埋 Lecturer 同 Instrcutor。。。開堂 15mins 之後都係大約得 7 個同學上堂。。。真係該煨。之後都多翻 D 人上堂既。Hea Hea 地咁上晒堂。之後去左 Page ONE 打書釘，打到咁上下就到左今日既重頭劇 - High Tea！

2. 咁就同 Wilson 會合，脫離 City 途中又見到 Anffany，哈哈。咁就兩丁友撘地鐵落銅鑼灣，去左世貿。本來話去飲咖啡既，但係見到 Spaghetti House 門口既 Menu 有個酥皮湯好吸引，咁就放棄了 Starbucks。

入到去叫左 2 個酥皮湯 Set，一個就配芝士肉醬意粉、另一個就係火腿芝士煙斗粉。。。真係 PK，今日成日語無倫次，講左火腿煙斗芝士粉。。。咁再叫多個焗芝士田螺肉醬薯蓉。由於決定食完去翻 Starbucks 飲野，所以餐飲叫左兩杯可樂同一杯奶茶。

食物都 OK 的說，話晒都係「港式意大利版大家樂」，哈哈。最緊要係環境氣紛一流，有卡位坐！枱上面又有一個半藝術的燈飾，到入夜個陣就較暗左 D 主燈，真係幾 Grand 的說！係窗口位仲望到超靚既海景，Perfect！下次可以試下同 Ex 係個度食，Good！

埋單 $150，都還可以的說！咁埋單前大家都發現一個問題，就係飲完可樂、又飲完奶茶，兩飲埋咖啡咪搞肚痛！？其實佢又飲可樂又飲奶茶都搞硬肚架喇。所以之後都決定回家，咁行經 Excelsior，又記起了一件事，就係「不如 Xmas 去食 Buffer吧」，呢句上年我都記得我講過，今年一定要執行啦！

唔知大家見過幾個巴士站同時大排長龍未呢？今日就在三越門前個批巴士站就出現這個情景，96、592、72A、72、42 呢 D 多人撘既巴士都大排長龍，連較少人撘既 92、77 都排晒隊。。。起碼等左 30mins 先有車。。。黎得比較密車既有 38，其他就塞死晒。。。南區交通的確有嚴重問題。

3. 咁 Tea Time 講過好多野，不過由於神智唔清醒，有好多都唔記得晒了。盡講吧！記得幾樣咁大把。

咁一開始就當然講翻我今朝所見到既事啦，咁又到佢講佢近期發生既事啦。之後就講翻「補習」既事，蝦米兄變左做 Co 爺。。。唉。。。連 Wilson 都頂唔順佢。。。我都服左 Co 爺了。。。所以話呢，要隔離佢，唔可以將佢同另一個人一齊補，唔係煩到頭都痛埋。其實我學生都唔好得去邊，有時都補到我好沮喪。。。要搵定另一份架喇，好快就完 CE 架喇。

之後講開上堂，佢有一連串的興趣班想上。咁呢期佢想上「相命班」？我有無記錯？佢叫我一齊上。。。我都明白一個人上堂有幾慘既。題外話就係依家都慣慣地一個人上堂，上年可能會因為朋友唔翻所以走堂，但係依家就唔會了，因為根本無朋友。對「相命」既野基本上無反感，Some How 都覺得幾有趣。之但係現在好似有點衝突點，唔應該去迷信的。。。可免則免吧，也許之後諗通左就有決定呢！

佢又說想話見下我阿娘指點一下。想見 Auntie，得！等我結婚個陣吧！又或者 Wilson 佢新居入伙吧，哈哈。唔洗等好耐既唧，短則幾年，長則十幾年吧。咁我一世無婚結又或者佢無搬新居就無辦法了。。。又或者我英年早逝的話應該都有機會見 Auntie 既。

Wilson 是魔鬼？！佢叫我要開通 D！？噫。。。我唔知道，唔好問我，唔好搵我陪你上「命相班」。。。佢話我對 Alice 的說話好執著！咁其實唔剩係佢講既野，朋友仔講既每一句話都好上心的！今日最上心既就係 Wilson 說的「噫，VICTOR 你和晒喎！」意思大約係「無晒火」。。。無他既，我真係體力透支，而且上堂又唔似得某 D 人咁開心愉快，係「和」D 架喇。。。開頭仲意為佢講「禾」晒添。。。聽幾次都聽得明。無錯！我都覺得我「和」晒。。。

不得不說！！講起就大火翻 D，Wilson 對 Alice 好有興趣。咁佢叫我問佢，我就問點解佢唔直接問佢。Wilson 便說「你和她是同路人」。咁我同 Wilson 都係同路人唧，不過係生活上個隻。絕對同路到唔同路啦，一齊去嘗試「享受」生活。。。話需如此，我都會去問 Alice 既。

哈，有個故事，來自馬可福音 第 4 章 3 - 8節。

你們聽阿．有一個撒種的．出去撒種。
撒的時候、有落在路旁的、飛鳥來喫盡了。
有落在土淺石頭地上的、土既不深、發苗最快．
日頭出來一曬、因為沒有根、就枯乾了。
有落在荊棘裡的、荊棘長起來、把他擠住了、就不結實。
又有落在好土裡的、就發生長大、結實有三十倍的、有六十倍的、有一百倍的。

Wilson 承認他有這些種子，但係就有一些不相信神的理由 (哈，同我初期都差唔多。) 。翻 Church 吧。禮拜日唔可以早起唔緊既，都有一些係閒日又或者週末既崇拜。放心放心，你得既你得既。時間耐了、經歷多了，心中那些問題就會慢慢解開。總覺得是越是某些原因不相信的話，便會越在那些地方上證明了祂的存在？！我唔知啊，但係的確是「只要信」吧。翻 Church ~~

最後，Wilson 說了一句好正，我好 Buy。「係日常生活中想有位入我串我係唔易的。」係補習既時候先有咁多位俾人入。無他既，唔講野就無位入，但係補習就係咁講野，實有好多位。咁佢就呼籲我 D 學生好襯補習個陣串我多 D，唔係就無機會，哈哈。

4. 今日有首歌突然哼左幾句，好正呢！！

我和春天有個約會
作詞：鐘志榮　作曲：鐘志榮　編曲：溫浩傑　演唱：劉雅麗

夜欄人靜處　響起了一片幽幽的Saxophone
牽起了　愁懷於深心處　夜欄人靜處
當聽到這一厥幽幽的Saxophone
想起你　茫然於漆黑夜半　在這晚星月迷濛
盼再看到你臉容　在這晚思念無窮
心中感覺似無法操縱　想終有日我面對你
交給我內裡情濃　春風那日會為你跟我重逢吹送
* 夜欄人靜處　當天際　星與月漸漸流動
感觸有如　潮水般洶湧　若是情未凍
請跟我　哼這幽幽的Saxophone 於今晚
柔柔的想我入夢中　它可以柔柔將真愛為你送
(重唱 *)
若是情未凍　始終相信　我倆與春天有個約會
I have a dete with spring

2354，終於打完。。。哈，俾人串緊野。唯有以笑遮醜！我都想打快 D 架，但係要睇 CSI:NY，無啦啦有部電視 D 台又唔見晒，又要追過晒 D 台。。。咁咪夜左。明天要發勁做 Assembly Program Assignment！！That’s All.

---
1213 @ SCM Lab，本身都對某人無好感架喇，今次再增加討厭度！呢件事絕對唔關我事，但係我睇唔過眼囉。咁話說要交 C++ Programming，咁當然有 D Programming 底唔夠穩既人做唔掂啦。做唔掂就當然要搵人幫手啦，咁故事就開始。

咁有問題個位人 (同學 A) 就去搵那有位比較熱心 + 有多少 Programming 底既同學 (同學 B) 求助。咁聽翻同學 B講，同學 A夜晚點幾先去求助。咁同學 B 當然就睏左覺啦，今朝上堂個陣又講話要求助。

咁條友係咁話有 Bugs 又話 Compile 唔到，又說甚麼要「靠晒你」。如果係講下笑既話都 OK 既，但係玩認真先恐怖。唔知條友 Programming 底好唔好，但係可能佢唔知道 Debug 係仲煩過由頭做過囉。係咁叫人 Debug，自己又放棄晒咁，真係 __ 。寫到個 Program 一 Pat 野咁叫人 Debug？！又話唔夠睏又話點，係暈既就暈 __ 左佢囉，反正唔暈都係做唔到架喇。

無錯，我係多事，而且呢件事絕對加入大量個人情感。總之真係激討厭條友，平時上堂都多「Gi-Gut」又嘈，把聲又難聽，講野又唔岩聽，又醜。。。Sigh …其實係唔妥個人多於呢件事。