2346，邊個搵我呢，又係「來電號碼隱藏」。。。唔知係咪佢搵我呢。。。

咁新聞有 City 學生打交，哈，不禁說句無文化。。。阿娘話「你間野 …」，我即刻同佢講「閘住，唔關我事。」再同阿娘講左 Poly - City、銅鑼灣 - 旺角 既 Relationshtip。都不知幾正。

2408，KeeKee，真係佢搵我，不過係 Say Good Night，哇哈哈，結果佢睏著左又俾我嘈醒左。

---
2222，呀。。。陰公。

1. 今日。。。俾人鬧，哈哈。話說今日晏晝 Lunch 打電話俾佢傾左一輪，咁我係度撒嬌，之但係佢又夠鐘翻工咁就無講到了。到夜晚佢放工個陣佢打電話俾我問我做成點，咁我就話未做過，佢就發火鬧我了。。。

等我濃縮下內容先，大約就係話「聽日唔好出街啦，做功課啦！你又話無揀錯科，咁但係你次次做功課都話唔知點做。咁唔得架喎，一係比心機做，一係就揀個第二科啦！」。咪講笑，好猛火！話雖如此，都係未動工喎，打左陣 CS:S，好正，好 High 的說！

哈，佢係香港既時候真開心。唔係度就無辦法了，只有自己掟埋一邊炆。哈，真開心！

2. 由於今日走堂、+hung 又無堂、肥仔又落堂，咁就三丁友去打羽毛球。+hung 好似 Fit 左喎！咁打打下有一對頑童走來走去，走到連 D 職員都走去鬧佢地。無他既，人地打波打到「辟辟拍拍」，跑入人地個場，一個不留神真係打穿頭，咪睇笑羽毛球拍呢！到後期個職員直情係企個乒乓球房出面好似守住咁，哈哈。

之後肥仔遲左 40 mins 先到，咁佢一黎就問 Book 左幾多個鐘。咁 Book 左 2 個鐘，之後佢就用一貫爆笑既低沉既聲線話「幾驚你地 Book 1 個鐘，咁黎做乜。」之後個 1 個鐘見到一個 10 歲都未夠既男仔同一個最少 55 歲既男人對打，咪講笑，個男仔勁到爆，似係教老男人打波囉。。。睇到眼都凸埋。大家又唔問佢拎簽名又唔同佢合照，實係未來羽毛球界巨星，蝕桌。

大家都掛住睇個一對男仔、男人打波，+hung 硬食左球，之前都擋緊野架喇。。。肥仔有無中就唔知了。+hung 發脾氣打塊拍落地下，哈，斷左既話就無 Spare 既拍過佢用了，佢要自己買塊。

3. 打完之後收到個 Message，如下 ↓



哈，我又失業了。真係補到意興難珊，唔係應該 Test 先補多 D 架咩？無錯，有教無類，但係老師都係有感情既，都不得不放棄佢地。決心去搵過另一份了，不過衰在 City 仲未出 Time Table (或者出左我搵唔到)，搞到我都唔知點好，萬一日日都天地堂就 PK 了，都無得點樣調堂。。。

4. 哈，好正，唐老鴨 @ 新舊匯豐之間！ ↓



2318，今日係咁多，聽日應該翻學架喇。That’s All.

---
1245，睏到流晒大汗，Feel 到個頭 (腦) Load 得太勁而過熱 XXD 。點解會 Load 得咁勁？發左一個夢，遊戲式過關 Feel。主角有幾位，咁唔知去左邊棟大廈做乜野，總之見人就鋸！我既武器就係一個 Remote Control。。。咁打到後期出中 Boss，無耐就死梗件同伴 (或者係昏迷，我都分唔到。) 之後就醒左 lu ……

個個 Remote 係點樣？咪就係 NRev 既手掣 ↓



其實正確一點來說，我應該係用左屋企 TV 個隻 Remote。到後期竟然無反應，差 D 就 Game Over。。。