2330，攰到爆。。。D 飛滋好痛！

1. 今日上半晝無乜特別，In 完翻學。上堂無乜特別，係有 D 感動既事發生，不過亦有一 D 討厭既事發生，真係好唔「Gur」。之後上埋今個 Sem 最後一堂 Digital Media，又 Hea 埋。咁落堂之留左名係 Asia Game Show 做 Helper，如果抽到好位的話真係幾唔錯，唔好既位咪就係 Dec24, 25，之但係幾好 Paid，有四十幾五十一個鐘，起碼都有十幾粒鐘。

今日咁既日子都可以同 Wilson 一齊脫離 City，有人要通頂交功課，真健康。每次聽到朋友同佢地既朋友相處融洽就好妒忌，今次都一樣啦。。。Sigh …… 之後陪佢買個細牛就齊齊撘地鐵走。金鐘真係多人到。。。恐怖。

2. 咁就七點未夠落到太古，佢等左我一陣。開頭都實牙實齒話係我等佢，因為我放五半，但係佢就話實係佢等我。結果。。。係佢等我！大家都攰攰地，逛左陣吉之島，話就話大減價，其實都係差唔多，唔夠 SOGO 個陣大減價咁癲。一世人去過一次 Jusco 咁大把，點會識路呢，反而佢仲熟路過我。。。咪問我，我唔識路。應該見我行錯就拉住我嘛。

咁就食 McDonald’s 當 Dinner，之但係其實我生飛滋又暗瘡，唔應該食老麥 ↓



3. Well, 終於睇左《Just Like Heaven》。氣紛好唔錯，可能多中年男女入場。好多都係一 Pair Pair 放工去睇。哈，我同佢都係，兩個都著到打 Office 工一樣。由於氣紛好，D 笑位都覺得特別好笑。

套戲真的十錯，不過一定要以愛情喜劇的角度來看，如果唔係就會覺得好「離普」。睇得真係幾開心，呢 D 戲一定唔會同佬睇！係要有個異性朋友先會睇，女同女去睇都 OK 既，但係男同男就免了。不過套戲由頭到尾都無 James Blunt 首「You’re Beautiful」，有點被騙。。。

諗住食甜品既，但係佢又話攰咁就翻屋企 lu ……搵笨既！下次話睇《King Kong》佢又話唔制，《Harry Porter》又話悶。。。巧巧睇架，當睇我都好嘛！得閒上黎睇埋隻《哈爾》啦，等埋妳先一齊睇！

PS. New Zealand 既水會飲到人地。。。望左佢好多眼，發覺佢大左好多好多，哈哈，滋味在心頭，下次再望過，Kee。

2419，哈，佢又唔買個白痴 Mickey、低 B Pooh 過我既仔女。。。E …… 算數，今天好開心，明天做功課。That’s All.

---
0845，常識題 - 如果隻眼生左粒瘡仔，你會點處理呢？

A. 唔理佢，由得佢痕死
B. 一痕就捽佢
C. 用清水洗洗佢
D. 塗上 __ __ 膏

咁呢我就揀左 D，哈，都幾刺激下！唔知點解隻右眼有 D 野痕痕地，左眼望望右眼發覺有粒瘡？！不是眼挑針！咁常識告訴我不要捽，咁見枱頭有枝強力無比膏。。。不過唔敢塗，怕「那」盲眼。但係唔搵野塗又痕喎，最後塗上一層輕輕的曼秀雷敦薄荷膏。都那那地的說。。。好彩依家唔痕又無盲。

話分兩頭，由邊個角度看都好似個細路咁，又扭計又俾人鬧最後要人氹。。。這生活真是幸福，都係做細路仔好，衰在個陣覺得考試測驗好煩，點知「煩度」不斷增加，真 PK。

好爛癮添。。。想打陣 CS:S，同人講開。。。呢期報紙登左 MediaWise 個張不適合兒童及青少年玩既遊戲，發覺一隻都無打過亦都無興趣打。。。我都不知幾健康！點解會有咁多暴力遊戲既出現？主要原因可能係 D 人殘暴，要滿足佢地既慾望。Counter Strike 除左係 BinC-able 之外都 OK 啦，起碼唔會斷手斷腳，Doom 個 D 真係血腥到嘔。

PS. 係 CS : Source 先可以交代 BinC 既過程。舊個 D 至多係用把刀刮下刮下，條 C 無俾到反應，但係 CS:S 就會標血 + 條 C 個姿勢會改變的，仲唔快 D 黎玩 CS:S！唔明乜野係 BinC？咁我無野講了。