2317，咪講笑，凍到 PK。。。

1. 今日都 OK 早起身，搞完一大輪唔知乜野，印象中係打緊 CS:S，咪講笑，朝早咁既時段個 Server 都有咁上下人數，果真不錯。之後睇《婚前昏後》，睇完撘巴士到上環 MTR 交收，NDS Game《Jump Super Stars》 $150。

係巴士到看到一隻大烏蠅，它就在我前面的一個位，恐怖。。。至衰係成架車都滿晒人，想坐去第二度都唔得，最緊要既係我坐係窗邊，隔離有人坐，咁就塞死左我。。。諗住隻野生生性性咪飛 / 爬黎我度，點知佢無啦啦活躍起上黎，OMG，真係眼都凸晒。好彩前面坐左位阿伯，阿伯拎張紙巾出黎一手就捉左隻野，都咪話唔勁。阿伯救我一命。。。

落到上環等左陣交收完就去翻灣仔打價，哈，Samsung 512DDR 灣仔場最平 $308，反而深水埗跌穿 $300。+hung 說得一 D 都無錯。如果下次係灣仔出機既話都唔知係邊度執料好，298 個邊好似比電腦城有較強「呃 Feel」。另外發覺左一件事，就係電腦城既女 Sales 妙齡過 298 個 D，而且個妝都比較濃，算「靚」多少既。

睇完就去 188 睇 Games，哈，買左隻 Game，陣間先講。今日同 +hung 通左好多次電話，實在多得恐怖。。。之後就去食細牛，食完撘車去補習。又諗起禮拜日 Co 爺所發生既事，咪話，海旁真係又凍又大風。見到阿 Pei 個搞笑樣就真係乜火都無晒。。。OKOK，聽日佢地 Test，應該無乜大礙既我估。臨走個陣佢地看到我既體重，阿 Pei 不禁說句「嘩，我仲重過佢。。。」

2. 回到家當然試下 Games 啦，咁隻《Jump Super Stars》幾好幾好！不過學 +hung 話，可能會好快玩厭，不過要儲野既話就要花好多時間呢。是晚重點就係試《Animal Crossing》，+hung 問我隻 Game 玩乜，當時我答「唔知」。雖然唔知玩乜，但係就買左佢翻屋企，$250。+hung 覺得錯鍔，我一次買兩隻 Game，哈，好事成雙嘛。遲下可能會買日版《Mario Karts》。

其實隻 Game 係將一個人既生活搬入成 Game 裡面，類似 The Sims 咁啦，不過就卡通 D，而且仲要係 Real Time 的，即係 1200 玩，隻 Game 就會係晏晝 1200。隻 Game 可以 WiFi 上網同人 Exchange 下 Data 咁，真係幾正！不過之前未玩過，依家要花 D 時間習慣下先得。

Cap 圖，睇下我幾 Cutie ↓



全家福 ↓



依家係隻 Game 裡面頹釣垂釣，目的要賺錢還翻 D 屋債。。。我的資料 ↓



PS. 點解我會打 HongKong 咁白癡架。。。

3. 想電佢又電唔通，仲想話關心下佢添，點知原來佢咁強健。。。



我真係覺得好凍喎。。。總之大家小心啦，真係凍左。

2413，沖涼，呵呵。That’s All.

---
0949，Co 爺說：