2205，停一停《Animail Crossing》先，打 Diary！

1. 今天都睏到好晏先起身，一起身就玩 NDS，睇《婚前昏後》大結局！哈哈，好滿足。唔知點解鍾意睇重播劇，首播個陣通常都唔會睇。。。好多時重播先係我首次睇。。

之後睇《都市閒情》，講狗，哈，我對貓狗唔會特別抗拒既，只要主人將佢地打理得乾乾淨淨就 OK。再睇到有關《歡樂滿東華》既片段 ↓



又係香港仔中心。。。年年都有佢份，不過少左華富村，又後東華常客。

2. 一早就見到 Honman Online，本來想約佢去數碼港 Tea，但係佢又病左，最重要就係數碼港實凍到 PK，所以打消左個念頭。屋企實在太凍，因為開晒所有窗，一凍就想睏晏覺，今日就 1800 - 2030，間房巧暖，因為只係開左少少窗。其實睏覺另一個原因係唔想洗碗，睏左覺等阿娘翻黎就係佢洗！！

身邊 D 人體魄強健，個個都無好似我咁著咁多衫。細佬翻到屋企仲著短褲，真係吹啤。。。屋企得我著長袖褸長袖衫長褲著襪。我是一個將心比己的人，所以多數會同人講「凍啊，著夠衫好啊」，點知 D 朋友仔個個都話「OK 啦，唔係好凍唧。」，真係咪話。。。 D 關心都係留翻俾自己算，唔好浪費。

3. 有時你一番好意關心下人，但係對方冷淡回應，你會有甚麼感受呢？就在 ~2240 就發生係我身上。感覺當然係難受。但看來又係我問題囉。。。點解會咁？做咩做完依家呢份工又再搵多份黎做。。。我 Sem Break 了！

2247，凍啊，唔想再打。。。That’s All.

---
1205，好凍。。。一早就去左人地條村，仲有張大合照添！



依家要睇電視，KeeKee。