1510，無乜野做過，不過好攰。。。睏陣要溫溫書吧。

2053，呀。。。做緊《Lord of the Rings》，今晚溫唔到書了。

朝早六點醒左穫，感覺好似無睏過咁，睏得唔好。發生一 D 好奇妙個夢，係我既 Desire 黎？！咁再翻睏到九點鐘到，爭紮左好耐好耐，真係好耐。被窩好暖，巧幸福！Finally，起左身睇《忍風戰隊》，睇完之後就出門口了。

落到街又唔係真係咁凍，行呀行，行到翻去時間剛剛好。今天無乜特別，真係無乜特別。講開世貿會議，說到香港有多少危險，咁就講開有乜身不幸過身既話就講低有乜心願未了。我就話仲未結婚生仔，佢就話會完成我既遺願，真爆笑。不過萬一有人炸地鐵，咁就大穫了。最危險既地方就係最安全既地方，全港警力都係銅鑼灣、灣仔、金鐘一帶，仲唔係最安全？其他區先危險！

咁聽日考試，無上堂就歸家準備一下。回家途中係社區會堂對出見到好似涼子姐姐既靚姐姐，哈，精神為之一振，應該同佢住埋同一棟，或者隔離個棟。吃過阿娘煮的午飯，睇睇 C++ 既野，睇到咁上下又用 WiFi 同人交流下《Animal Crossing》。到1615 就睏晏覺，睏到六點幾起身又再同人交流。。。

睇睇特備節目，其實世貿理應係一個好既溝通渠道黎既，事實上解決左唔少貿易紏紛。但係富裕國家點都係惡 D。講真，發展中國家既農民真係好陰公。。。識玩「世貿」咪有著數，唔識咪係咁比人玩。講翻安全問題，始終覺得唔會太嚴重既，政府、傳媒不斷報導都係想市民提高警覺性，唔係真係有係事上黎就收唔到科。今次世貿會議可以俾人見識下香港警隊係幾咁斯文吧。

之後都無乜特別了，睇左 ATV 既飲食節目，再睇《Loard of the Rings》，咁就一天了。哈，今日細佬買 NDS 既心更加堅定，今次唔係「分期」，係「阿媽，支助！」，呵呵呵。阿娘去睇老人牌演唱會，晚飯無人煮，老頭子說：「碟餸兩個字，咸到 La 脷！」。

明天 1400 - 1600 考 C++，Good Luck to Me。個 Seat Number 係 0123。。。OMG。。。

2217，That’s All.

PS.，睏晏覺既感覺係咪好正呢？呵呵呵，咪睏到流口水！大約係咪 1630 - 1900 呢？ [廣東話] 離開你了。。。

2306，哈，捉到條正魚！！