2316，Let’s Move Your Body ~ Chic Chic …

今日十二點鬆 D 就出門口，一樣撘巴士落銅鑼灣。咪講笑，無塞車，仲好似快過平時少少添。係車到玩左陣《Animal Crossing》。咁都特登預多左時間預塞車，咁早左多少，就去吉野家自閉食 Lunch。。。咁真係把鬼火，前面排左兩個十零歲既靚妹，揀乜揀物搞幾耐，隔離條 Line 速度快幾倍。。。兩個靚妹都 Feel 到有鼓怨氣，之後其中一個都啤左我一穫。講開呢，啤我個位堅啦，仲可以著短褲。。。不過坦白說，個兩個女仔都 OK 既。

咁再撘地鐵翻 City 考試，時間都預得幾好。成班集體去錯地方。。。最後當然有醒目既同學搵到正確地方啦。咁考呀考，比想像中淺，不過有一條 Recursion 覺得條問題本身有 D 問題咁，其他都 OK。考完之後當然係搵下有無人得閒食 Tea 啦，咁搵唔到就歸家。撘地鐵係旺角飛 Van 回家，冒著生命危險係車到打機，托賴跌唔死。

好多旅遊巴係華富村口，擺到明係班自由人去「香江大舞台」睇人妖啦。。。Sigh … 之後見到三位 LMC 學生係街跑，個三位係 Form 5 學生黎。心諗，有無攪錯，咁大個人仲係街到追追逐逐。其中一位就係 Co 爺。。。真係頂你唔順。。。

回到家睇翻集 Keroro，再睇集 Zeta，途中就撈緊動畫。之後就開始《Animal Crossing》，今晚開 Gate 等人 Connect 我，都交換左好多野，不過偶爾斷線啦。至爆笑就係有人 Leave 但係我想 Save，雙方爭持左一輪最後終於 Leave 左，但係就 Save 唔到。。。因為斷左線。呵，今期做 Gladiator ↓



拎住個 Golden Shovel 都咪話唔型！不過因為咁就 Miss 左半集 CSI:NY。。。

Finally，我又再做一位好阿哥，同細佬講話佢買機個陣贊助佢買一隻 Game，哈哈。佢鍾意玩賽車 Game，看來如果 Xmas 儲到錢買機的話應該會買 Mario Kart 了。咁就有以下一段爆笑對話 ↓

弟：「阿媽，支助我一舊買機！」
媽：「切一舊肉俾你就有。」
我：「切舊肉都無所謂，我睇你表演！」
弟：「衰仔。係咪呢，阿媽？」

依家諗翻都覺得搞笑。不過看來 Xmas 前後都會成事了。之前就同人講「分期」，呢期講「支助」，哈哈。

2403，咁就一日，明天溫書！！！That’s All.

---
0920，你能相信這個事實嗎？



已經用翻 Firefox 1.0.7，做乜仲食我咁多 Ram。。。某 D Xanga 實在太強勁了，食晒我 D Ram。

1156，我做過乜野黎？食我 512MB Ram，都咪話唔勁！