2156，一溫書就眼睏！

1. 開翻 D 估先！今朝個舊野叫「椰堆」，或者叫「椰山」。呢舊野都係椰絲整的，係一舊椰絲加 D 雞蛋麵粉搓成一舊再拎去焗。舊野好甜，係甜得好過份，食完血糖急升！！幾個人食一舊就差唔多，一個人食就太多了。

另一樣野就係今日晏晝諗過乜黎呢？話說晏晝煮野食個陣就諗，將來自己一個人住個陣咪賴野。自己又懶煮，但係又無人煮埋黎食，係街都食都唔可以餐餐食架嘛。分分鐘自己一個人住個陣可以唔洗買電飯煲、米、餸，買個微波爐就解決問題。

咁一係就住翻係屋企人附近，食飯方便 D。一係就同人同居，咁三兩個人煮埋一齊煮飯食都方便 D。當然最理想既做法就係結婚，呵呵呵。



2. 今日成日都頭赤赤，睏到成十一點鐘先起身。無他既，被窩實在太暖了，暖到唔想出黎。今日都係睇睇 Notes、電視、睏覺就一天了。。。尋晚有個珠寶廣告雜誌，幾好幾好，佢兩個做主角 ↓



李時珍揀慕蓉都唔好揀冬青！好憎葉璇！！阿 San：「我諗我鍾意左你。。。」。阿 Matt 揀佢都唔好揀Carrie。呢期睇電視睇上腦了，難道我變成一個 C9？！

晚上說了一句「嘩，做乜今晚咁多電視節目睇既！？」。2030，睇左 Pearl 既《Beauty and the Geek》，係新既 Weekend Reality。內容係一群有學識但係頗自閉既男人與一群只有外表無內涵既女人一齊 Dating。呵，都幾有趣，估唔到咁多可以做節目。2130 Pearl 又做《You’ve Got Mail》，錄影機錄緊。2200 World 就做《CSI》，電腦錄緊。上兩個禮拜錄既《ANTP》都未睇添。。。



3. Nintendo DS 上週日本賣出近 30 萬部，日本共賣超過 400 賣部，轉自 [ 巴哈 ] ↓



大家可以 Click [Here] 睇下 NDS 既廣告吧，拍得幾好呢！快快加入 NDS 大家庭吧！



2311，都巧攰，要抖下了。請食飯有幾難？難在約時間唧，陪我睇《KingKong》或者《HarryPotter》先吧！！邊個好心人可以陪下我。。。That’s All.

PS. +hung 好野！！


---
1535，未溫書，先眼睏！

剛剛食飽 Lunch，又諗左一 D 野，今晚先講。大家估下呢舊係乜野黎 ↓



咬開佢之後就係咁 ↓



咁都知道呢舊係乜野既話真係抵請食飯啦！今晚開估！

唉。。。好想睇《KingKong》但無人陪，咁就睇下有無得撈黎睇下。噫，見到有喎！仲要唔係手映版，仲唔拿拿臨 Download 咩。點知 Download 完翻黎一睇。。。OMG，原來係 1933 年個套《KingKong》，捉晒蟲。。。不憤！

話雖如此，但係都睇左少少，哈！睇埋《足球小將 GOAL！》睏翻個晏覺先！天氣凍，活動能力 / 時間驟降。