2508，剛回家。。。可唔可以有人話我知發生乜事？？
2545，睇緊 24 小時亞視新聞台。。。好攰，都要打 Diary。。。
1. 講翻 D 例牌野先，今朝睇左 ~ 10 集《ZETA》，呵，睇到 41 集，好快就睇完了。朝早都係打下《Animal Crossing》，種下樹咁就夠鐘出門口。四點半出門口，異常地順利出到銅鑼灣，只係封左軒尼斯道一個巴士站。銅鑼灣地鐵站都實施特別措施控制人群。咁五點半就到九龍塘，係 PageONE 逛左陣就去考試。
Computer Organization，份卷唔難，不過唔係識晒。。。有野寫到出黎啦，應該 Pass 既。咁之後五丁友冒住大風行去石硤尾地鐵站撘小巴落深水埗！？咁落到去就去左一間「地 Mou 式」既「海鮮餐館」食。大家點都估唔到我會去呢 D 地方食，咁一次半次都還可以既，第二次就無了。咁上次我話事去左飲茶，今次費事啦，本來話落旺角打邊爐既。
由於係海鮮既關係，唔太岩食，咁無理由要人就架，又唔係真係咁熟，都 OK 既，食左 D 西蘭花、白飯。咁都係傾下計咁啦，無乜 Gag 搞，埋單位位 $52。Um … 呢隻 Style 唔岩我。
2. 高潮就來了！考緊試個陣收到細佬既 SMS 話紅隧、香港仔隧道封左！？心知都大穫架喇，佢地叫我落旺角撘亡命 Van 翻屋企。之後食食下飯個陣就收到呢個 SMS ↓
呢次 Big Bang 了，撘地鐵落旺角個陣聽到廣播話地鐵不停灣仔站，再 Big bang，仲未解封！？咁都打算撘飛 Van 架喇。點知有一幕令我好震憾，就係排隊撘 Van 個度大排長龍。。。睇圖 ↓
本來平時繁忙時間最長都只係排到粉紅色個一段距離，但係今晚就排到綠色個段距離，轉左兩個彎。大大話話都有幾百人係度等 Van 仔。。。大部份人包括我自己見到第一個彎位已經「嘩」緊野，見埋第二個彎就即刻灰晒。。。
其實見第一個彎位個陣都覺得唔對路，已經打翻屋企問中環有無封到，但係佢地又答唔到我。如果唔係撘地鐵落中環再撘 Van 又好、撘的又好都可以快多少翻到屋企。個陣又大風喎，條隊又歷史性咁長，真係陷入絕境。個陣其實想打俾 D 旺角、太子區友借個屋企抖下，但係呢 D 咁既事又點講得出口呢。唔通要係 Poly 睏石櫈、係 City 攤屍！？
真係又大風又凍，等左大半個鐘先上到 Van 仔，唉。。。不過係車程中見到一 D 好深刻既野，一來個 Van 仔司機係 Call 台發晒 Message 叫香港仔個邊既 Van 仔每 5 分鐘就開一班，唔理滿唔滿客。再之後佢又同其他司機講話係其他路線調派所有未埋站既 Van 仔到香港仔走旺角呢條線。
雖然佢地派多 D 車可能為左兜多 D 客賺多 D 錢，但係講真，都有多少覺得班司機幾有操手。司機仲講左句「豪 D 啦，夠本就開車啦，九龍呢面轉晒彎。」，真係個個 Moment 好想同司機講句「辛苦晒！」最後當然無講到啦。
到 HKU 附近開始見到一大串既的士往西隧方向，大約有幾十、甚至過百，都真係咪話。封紅隧、香港仔隧道最發就係西隧、的士。銅鑼灣、灣仔一封，整個港島東西兩邊交通立即癱瘓。。。南區封左條香港仔隧道，都估到會有甚麼結果吧。。。所以呢，南區鐵路絕對有佢既價值的。
3. 示威抗議的確是表達意見的一種方法，但係以暴力的方法來進行絕對不應該！同情那些農民，但是做出那些過火的行動絕對不可恕！無錯，富裕國家不斷補貼其國家農產品的確對發展中國家有絕大影響，但係世貿會議不就是用來解決這些問題的渠道嗎？不要一面倒地推翻世貿會議所帶來的正面影響！
有人說警方過份使用暴力，不知為何那些人會這樣想？今次警方處理得頗洽當，儘管實施封路，但係情有可願。有人仲話 D 農民踢個防暴盾幾腳，警方都唔洗用胡椒噴霧噴佢。但係個個場面有人可以確保示威者不會再進一步行動嗎？警方用胡椒噴霧噴佢都只係想阻止佢將行動升級，咁都算係過份使用武力？
李少光那一句很到肉「警方一直保持克制、忍讓，絕不代表警方軟弱！」。拉走翻「搞事份子」吧，不要濫用自由！
4. 突然間覺得 24 小時亞視新聞台好有用！仲有票投添 ↓
結果正路。
2731，再睇多場現場有關報導先睏！That’s All.
---
0945，又頭痛。。。會唔會生腦 Cancer 呀。。。
偶像。Idol。由始至終都是那位涼子姐姐。在事業高峰 / 低潮時都一樣咁支持佢。曾幾何時都迷迷地其他明星，好似松浦亞彌、上原多香子，但係就俾唔到涼子姐姐所帶俾我既感覺。愛屋及烏，因為涼子有份演出先會睇個個節目，因為是涼子做代言人所以會多留意個樣產品。佢有關既產品都會買，當然唔係貴到無能力買啦。
涼子姐姐出道至今都有十年了，一出道無耐就迷上佢。「偶像」同「喜愛」有分別，我都鍾意 Tom Hanks，但係佢唔係我偶像。我都鍾意 Gackt 但係佢都唔係我偶像。時光飛逝，其實都有多少 Feel 到涼子離退出影圈的日子不遠。近期都無另一位明星吸引到我呢。。。
2545，睇緊 24 小時亞視新聞台。。。好攰，都要打 Diary。。。
1. 講翻 D 例牌野先，今朝睇左 ~ 10 集《ZETA》，呵，睇到 41 集，好快就睇完了。朝早都係打下《Animal Crossing》，種下樹咁就夠鐘出門口。四點半出門口，異常地順利出到銅鑼灣，只係封左軒尼斯道一個巴士站。銅鑼灣地鐵站都實施特別措施控制人群。咁五點半就到九龍塘，係 PageONE 逛左陣就去考試。
Computer Organization，份卷唔難，不過唔係識晒。。。有野寫到出黎啦，應該 Pass 既。咁之後五丁友冒住大風行去石硤尾地鐵站撘小巴落深水埗！？咁落到去就去左一間「地 Mou 式」既「海鮮餐館」食。大家點都估唔到我會去呢 D 地方食，咁一次半次都還可以既，第二次就無了。咁上次我話事去左飲茶，今次費事啦，本來話落旺角打邊爐既。
由於係海鮮既關係，唔太岩食，咁無理由要人就架，又唔係真係咁熟，都 OK 既，食左 D 西蘭花、白飯。咁都係傾下計咁啦，無乜 Gag 搞，埋單位位 $52。Um … 呢隻 Style 唔岩我。
2. 高潮就來了！考緊試個陣收到細佬既 SMS 話紅隧、香港仔隧道封左！？心知都大穫架喇，佢地叫我落旺角撘亡命 Van 翻屋企。之後食食下飯個陣就收到呢個 SMS ↓
呢次 Big Bang 了，撘地鐵落旺角個陣聽到廣播話地鐵不停灣仔站，再 Big bang，仲未解封！？咁都打算撘飛 Van 架喇。點知有一幕令我好震憾，就係排隊撘 Van 個度大排長龍。。。睇圖 ↓
本來平時繁忙時間最長都只係排到粉紅色個一段距離，但係今晚就排到綠色個段距離，轉左兩個彎。大大話話都有幾百人係度等 Van 仔。。。大部份人包括我自己見到第一個彎位已經「嘩」緊野，見埋第二個彎就即刻灰晒。。。
其實見第一個彎位個陣都覺得唔對路，已經打翻屋企問中環有無封到，但係佢地又答唔到我。如果唔係撘地鐵落中環再撘 Van 又好、撘的又好都可以快多少翻到屋企。個陣又大風喎，條隊又歷史性咁長，真係陷入絕境。個陣其實想打俾 D 旺角、太子區友借個屋企抖下，但係呢 D 咁既事又點講得出口呢。唔通要係 Poly 睏石櫈、係 City 攤屍！？
真係又大風又凍，等左大半個鐘先上到 Van 仔，唉。。。不過係車程中見到一 D 好深刻既野，一來個 Van 仔司機係 Call 台發晒 Message 叫香港仔個邊既 Van 仔每 5 分鐘就開一班，唔理滿唔滿客。再之後佢又同其他司機講話係其他路線調派所有未埋站既 Van 仔到香港仔走旺角呢條線。
雖然佢地派多 D 車可能為左兜多 D 客賺多 D 錢，但係講真，都有多少覺得班司機幾有操手。司機仲講左句「豪 D 啦，夠本就開車啦，九龍呢面轉晒彎。」，真係個個 Moment 好想同司機講句「辛苦晒！」最後當然無講到啦。
到 HKU 附近開始見到一大串既的士往西隧方向，大約有幾十、甚至過百，都真係咪話。封紅隧、香港仔隧道最發就係西隧、的士。銅鑼灣、灣仔一封，整個港島東西兩邊交通立即癱瘓。。。南區封左條香港仔隧道，都估到會有甚麼結果吧。。。所以呢，南區鐵路絕對有佢既價值的。
3. 示威抗議的確是表達意見的一種方法，但係以暴力的方法來進行絕對不應該！同情那些農民，但是做出那些過火的行動絕對不可恕！無錯，富裕國家不斷補貼其國家農產品的確對發展中國家有絕大影響，但係世貿會議不就是用來解決這些問題的渠道嗎？不要一面倒地推翻世貿會議所帶來的正面影響！
有人說警方過份使用暴力，不知為何那些人會這樣想？今次警方處理得頗洽當，儘管實施封路，但係情有可願。有人仲話 D 農民踢個防暴盾幾腳，警方都唔洗用胡椒噴霧噴佢。但係個個場面有人可以確保示威者不會再進一步行動嗎？警方用胡椒噴霧噴佢都只係想阻止佢將行動升級，咁都算係過份使用武力？
李少光那一句很到肉「警方一直保持克制、忍讓，絕不代表警方軟弱！」。拉走翻「搞事份子」吧，不要濫用自由！
4. 突然間覺得 24 小時亞視新聞台好有用！仲有票投添 ↓
結果正路。
2731，再睇多場現場有關報導先睏！That’s All.
---
0945，又頭痛。。。會唔會生腦 Cancer 呀。。。
偶像。Idol。由始至終都是那位涼子姐姐。在事業高峰 / 低潮時都一樣咁支持佢。曾幾何時都迷迷地其他明星，好似松浦亞彌、上原多香子，但係就俾唔到涼子姐姐所帶俾我既感覺。愛屋及烏，因為涼子有份演出先會睇個個節目，因為是涼子做代言人所以會多留意個樣產品。佢有關既產品都會買，當然唔係貴到無能力買啦。
涼子姐姐出道至今都有十年了，一出道無耐就迷上佢。「偶像」同「喜愛」有分別，我都鍾意 Tom Hanks，但係佢唔係我偶像。我都鍾意 Gackt 但係佢都唔係我偶像。時光飛逝，其實都有多少 Feel 到涼子離退出影圈的日子不遠。近期都無另一位明星吸引到我呢。。。
Created On 17/12/2005 10:54:37
Your Comment
Name :
Authentication Code : 