2134，呢期 Theme Song 係來自 Love Actually 中 Billy Mack 唱既「Christmas Is All Around」，好野黎架！

1. 今日甚麼事也沒有做過，就係睇下電視、動畫咁。開左《ZZ》，第一話好呃，玩回顧！？最新個集《Keroro》真係笑到碌地，今期惡搞《幽遊白書》 :: 仙水的七種人格。今次主角係 Giroro ↓



哈，好正，有軍人、膽小、家庭型、笑容迷人、詩人、專一！其中「笑容迷人」個種好似某韓劇主角咁，哈哈。下半集個個靈異大會個會場好有幽遊個暗黑武術大會會場 Feel。今集真係不容錯失！！

無記今季聖誕動畫有少少睇頭啦，雖然都係重播居多。《勇者王 Final》最為搶眼！我就睇下無記點樣 Cut 法！其他仲有小魔女 Doremi、DiGi Charat，還有大時大節實有佢份既 Barbie、數碼暴龍、多啦 A 夢。



2. 香港警察的秘密武器，留意下有無野特別 ↓





第一張真係幾可亂真，第一眼發覺好真，望多兩眼先知發生乜野事。第二張就明顯好多了，哈哈。轉自 [Here]



3. 唔知係咪患上節日冷感症。對 Xmas 無乜節日 Feel，呢個係好事定壞事？！原因係乜野呢？係因為世貿會議轉移了焦點？係因為已經 Hea 無可 Hea，所以無晒 Feel？！

上年都有多少衝動買下 Gift、寫下 Card、約下飯局，但係今年無左呢種動力，唔通係因為無晒朋友？！又唔係咁講既，只係想過埋聖誕、甚至新年先再算。上年都話有 D 買俾自己玩下，但係依家都無呢個念頭。。。

不過點都好，絕對唔可以再犯下上年「超頹」既過錯！一定要搵 D 細藝過日晨。都諗過下架喇，應該會解封部 PS2，玩就快出既《Kingdom Hearts 2》，仲唔夠？唔夠咪買隻《機戰 J》玩下，實唔會頹！



4. 碎點 ↓

．IE 危險呢，用 FireFox 啦。。。Xanga 今日咁既事情真係第一次遇上。大家記住話個解決方法俾你地朋友仔聽，唔係問題好難會解決。

．LMC 今日學校旅行，佢地各自都幾好玩咁。有人打電話問我「差餉物業估價署 2000 年署長係邊個」，有無人知道答案？知道的話抵請食飯啦！

．知唔知點解尋日話好暖？因為開左件羽絨黎著，仲要拉埋晒拉鍊，暖到我哇哈哈。著住件羽絨大隻左成幾個碼，依家我叫「大隻仔」！

．我知點解佘詩曼係套劇裡面咁唔順眼，原來佢無「的水」架！！

．禮拜六買個 3 舊白糖糕食左大半舊就 Dump 左，味道有少少怪怪地。。。

．過了成個禮拜，係咪應該同人家道個歉呢？但係咁咪無左份「堅持」？！都係過埋今個禮拜先，Carry On！

．唔講唔知，聽日我仲有科要 Exam。Lecture 超 Hea，但係有傳個 Exam 係好甘下。不過今晚我都唔會溫架喇，頂多聽朝睇下。

．好耐無同肥仔溝通溝通，有 D 掛住佢添。同 +hung 呢期都有頗多交流，夠了。呵。



2307，準備潛水！That’s All.

---
1355，我為白糖糕而生！我為白糖糕而死！唔知禮拜六買既白糖糕有無變酸呢。。。

1839，講幾句先 ~ 有人話佢 Xanga 「中左毒」，徵象就係見到個 Xanga 得呢個 Post ↓

exodus owned you.
props to phrea,cam0,majy,brian,virax,bass
FUCK the feds
FREE CAMO!!!
oh by the way FUCK myspace,FUCK xanga and FUCK EMO PUSSY ASS FAGGOTS

咁呢，唔洗驚恐。其實只係有人寫左個 Scripts 透過 Xanga 本身既漏洞作怪，No Big Deal。中招 (絕對唔係毒。。。) 既原因係你地用 IE + Logon 睇左個段有問題既 Scripts，咁段 Scripts 每睇一次就會自己出幾個 Post。

係 Safe Mode (Login 後係 Private Page 搵到) Delete 翻有問題既 Post 就得，舊個 D Post 都係度的。唔想中既話呢期就唔好 Login 睇 Subscription，想一了百了無問題就轉用 Firefox 吧，呢個係針對 IE 的 Scripts。

PS. 改 Skin 改到搵唔到條 Safe Mode Link？Click [Here] 直接入去。