2259，終於放假了。。。「富哥哥與窮哥哥」，我是一個窮哥哥。我唔係要搵錢，係要搵快錢！

1. 閒話家常先，今日睇左一個鐘 Notes 就去睇《衛斯理》，睇完就時間剛剛好出門。咁例牌會洗洗頭先出門，點知雙腳一軟，個頭差 D「砍」左落地下。一「砍」就爆硬缸，差 D 一世仔。。。

咁翻到去等左陣就考得，一埋位見到有 31 條 1 - 2 Marks 既題目，都嚇個突。不過做落又唔係甚麼麻煩野，都 OK 易。之但係又發生一 D 令人為之側目既事。考試期間，隔離位個個女仔係咁同佢後面個個女仔「打龍通」，真係該煨。仲要唔止一次，係好多次。不過「打龍通」都無用，個勢看來兩個都唔識個隻。之後有個仲激，考考下試講電話！？OMG。。。

份卷都真係 Hea Hea 地，Hea 過上年 Networking、IT Workshop，做一個鐘到就走人。之後打個電話就落銅鑼灣三越樓下買左 $11 兩個麵包，有一個熱騰騰的說！係巴士食晒兩個，咁就當係 Lunch 了。本來想係 7-Eleven 買杯雪糕食下架，但係唔知點解又無買到。



2. 回到家 Hea 左陣就睇動畫，繼續《ZZ》。基士文同馬士文兩個搞亂左，得出以下笑話 ↓



睇到第六話，花園麗真係水皮到。。。其實馬士文都好水皮，只係同捷度打成平手。。。仲等我高估左佢添。



3. 每日都會講好多廢話，今日興起睇翻同肥哥哥既 ICQ History，笑死我。。。



見鬼！幾時有個「Gay」，個陣都唔覺有問題，依家睇翻先知。。。係「Gary」！原來個陣我分辨人既方法係咁，高個個係 Alice，矮個個係 Vivian，好彩唔係講肥個個、瘦個個唧。。。

有時得閒睇翻 D History 真係有一番風味，真係好好笑。所以點都唔可以無左 D History！遲下再發掘下 D 爆笑 Post 先！



4. 今天有兩件事 CityU + 我有關，第一件係好事黎既。咁上期話報左名係亞洲遊戲展做 Helper，幾好 Paid 下的。今日 SCM 就有人覆翻我有得做，暫定就係 Dec26既 15 - 20 時段，Dec23 就要幫手 Set 下野咁。賺得一百幾十都好啦，等錢洗。。。

第二件事就係出左 Sem2 TimeTable，無乜大改變。呢下 PK 了，俾邪惡的 +hung 講中，有 3 日天地堂。。。



都應該無得點調，調極都係 2/3 日天地堂。一係用多一日天地堂去換取一日 DayOff，依家都唔知點算好。又 Print 唔翻 Poly 個陣既 Result 出黎。依家先開始搞 Credit Transfer 呢！



5. 碎點 ↓

．今日打緊 CS:S 個陣見到呢個人 ↓



哈，好有他鄉遇故知 Feel！不過原來唔係當事人。另外真係水皮晒，真係 Lag，部機太雞。。。



．家中的肥仔說「學校 D 同學叫我肥仔」。俺一聲冷語「你不嬲都叫肥仔」。。。

．聖誕假最開心既係唔洗溫書，最唔開心就係聖誕假要溫書，呵呵。你地考晒試未啊？

．Wilson 瞭解我的地步達到一個「危險水平」，連邊個帶隊去某處吃飯都估中。。。

．經過日以繼夜的「怨念發放」，阿娘對買新手機的態度再一次軟化，應該都無甩拖架喇。不過買得過我又要買埋俾細佬，咁樣唔太好！

．找尋 Tutor Agent 網，要搵過另一份以確保有穩定收入。大家有無好介紹啊？



2353，搞掂晒，準備散水！其實仲有 D 野想打既，不過算了，留翻遲下有 Mood 再打。That’s All.