2259，今日悲喜交集。。。開光了。

1. 今日追趕跑跳碰咁翻到 SCM，咁就開始今天既 Part Time Job，咁一黎就運 D 野去貨車，原來 SCM 裡面有部 Lift 的！咁之後就去觀塘 IVE 運埋另一份大件野。第一次去 IVE，同想像中有多少分別，有 D 似中學。。。

咁就經東隧沿東區走廊到達會展，個度好多攤位都未整 / 整緊，咁 SCM 個位就係 1A01。有兩部 PC 做 Demo，一個就係 Unreal 既 Demo，一個就係玩滾珠。仲有一個大野就係 Real Time Cap 你個人樣落電影到，最後有個 Mon 播 Animation Demo。個檔就係咁樣 ↓



整到差唔多晏晝一點就出去食飯，係灣仔一所頗高檔既茶樓飲茶，有大食大，呢餐唔洗錢。「腰果露」，估唔到咁都整到。食完就翻去整埋個檔攤，下晝都 Hea Hea 地，可以逛一逛，影左 D 相 ↓



剩係得 Sony 野，有好多部 PS2、PSP 試玩，但真係無乜睇頭。Microsoft 無參展，呢個係一個 Sony Show。。。 $25 入場費真係唔抵，無野岩既，唔多人既話一個鐘實行晒。。。

總括來說都 OK 既，聽左好多野，亦都見左好多野，得益不少的說。唔怪之咁多人都爭住玩唔洗自己本既年宵了，都頗不錯的！



2. 之後係灣仔見到阿 Pei，佢望我唔到而我亦都無主動打招呼。開頭意為佢同個男仔去街，點知原來佢身邊另一個就係傳說中既 mimi。。。失覺晒。之後再打電話俾佢溝通一下，聽朝有工翻，非常好！

約左哎吔阿妹下晝四點請佢食個 Tea，好彩我都成放五點先走，唔洗等耐。Finally 六點先見人，真係令人失望，如果唔係之後再約左人，我一定走左。我點都唔似係有耐性既人！想去《雪中情》，但係原來執左了。。。最後去左 Starbucks，請埋佢兩個朋友仔飲杯野，咁就 $88。。。

之後約左 Ex，想話買個電話袋、電話繩，但係人多到死又見唔岩心水。。。想買個袋仔俾細佬袋住部 NDS 呢，睇岩款架叫，但係就排晒大隊等俾錢，最後都係無買。唔係佢講開都醒唔起今晚屋企無飯開，早知約佢食飯啦！Finally，係大家樂買個飯食算數。



3. 無到家就搞下部手機啦，之但係發覺部機「開左光」！？個電磁蓋個角位甩左 D 油。。。巧唔開心，係放係褲袋、褸袋刮花？其實我都輕輕跌左野，真係 PK。好唔好做無賴去換個部呢？！之但係問細佬覺唔覺邊度花左佢又搵唔到。。。點好呢？個心有 D「肯」住「肯」住咁。。。

如果香港容許斬 4 一個人而唔犯法既話我一定斬 4 佢 ↓



__ 沅蔚，我記住妳！！

妳就 $0.4，我要 $0.5 架！！邊有人咁架。。。失望。



4. 今年紅白既出場嘉賓 List 左出黎 → [Here]

白組無 Gackt、無 Yuzi、無 EXILE、無 Kinki Kids、無平井堅。。。真係把鬼。。。最想睇既 Gackt 同平井堅都無！紅組就無乜特別，無 ELT、無上戶彩，仲有 Dreams Come True！？

想睇既有中島美嘉、大塚愛、倉木麻衣！松任谷由實都幾吸引！SMAP 都唔錯！中島美嘉唱翻《雪之華》呢。。。無 Gackt 點都有 D 失望，點解會咁架。。。今年紅白唔洗睇了。

以上資料來自 → [Here]



2327，攰到甩轆，Good Night。That’s All.

---
0710，尋晚無乜點睏，皆因飲左 D 茶。而且對腳搵褸 Comp 住就熱，唔 Comp 就凍。。。好惡搞下。

哈，兩個禮拜前 NDS 係日本賣到 30 萬，上個禮拜 NDS 賣左 40 萬部，癡線架。。。今個月 NDS 已經賣超過 100 萬部，看來今年 NDS 有機總賣數達 500 萬。Game 銷售榜最高 10 位有 6 隻 NDS、2 隻 GBA、2 隻 PS2，NDS Game 最快有機會達 100 萬竟然係隻「腦練」！？題外話，PSP Game 同 Xbox 360 係日本都幾仆直下。。。