2058，「平安夜，失身夜。。。」。肥仔小心吧，唔知咁後生做老豆心情係點樣呢。

1. 天氣開始回暖，再加上前晚唔夠睏，睏到唔願起身。今朝差唔多十點到阿娘叫細佬叫我起身去補習。。。真係咪話，個個 Moment 真係唔想補，好想睏落去！

坐定無耐無啦啦電話響，聽唔慣種 Default 既鈴聲，有多少錯鍔。。。原來係肥仔打電話黎，傾左兩咀。肥仔同條腿去迪士尼！哼幾下先，「去迪士皮做粥準鼻，打得開心阿媽唔認得你！」。



2. 之後就出發去補習，哈，一黎就要由剛剛到步既阿 Pei 撘 Lift 落翻黎接我上去。一黎就收錢先啦，都係用黎還債先。今次補習既主題係「銳氣」！！好高興見到 Judy 大展雄風 + 阿 Pei 被人挫一挫銳氣，好事黎既，但係呢 D 只係一陣子的事情。。。

咁都係Review 翻上次份 Test Paper，當然無想像中咁理想啦，但兩個都 Pass。哈，終於明白做老師看到學生答錯一 D 講左好多次既野個種「無奈、氣憤」。真係激死我。。。好炆呀！都 Review 左好耐，又怨我點解之前補習唔提佢地。極無奈，都唔搵我補，點提佢地，又唔做晒 D Past Paper。不過有 D 題目又爆笑 D 既，「What is maxium possible banking multiplier」。。。答 Definition 係無錯既，不過其實原來要計數。

Review 左成個幾鐘，之後仲正，講 Employment。終於有機會講到「Under-Employment」，我便是一個活生生的例子。咁又算唔得上係既。。。似似地咁啦，想做多 D 但係就無得做咁多，但係都叫有份工。

爆笑事一定有，補習期間有不雅鏡頭，Judy 抆阿 Pei 個條超幼既 Bra 帶。。。真係該死。看多次 mimi 既相，真係好男人呢。。。阿 Pei 超似寶玲。。。作為教育界一段短時間，已經知道問「明唔明？」、「有無問題？」係無用，次次答完「明」、「無問題」之後再做翻題目通常都係會錯。。。至慘就係上堂無反應，好彩補習個陣都有反應。

阿 Pei 說我唔做得教師，一定俾學生洽喎，特別係阿 Pei 呢類人。呵，看來都似係架喇，不過唔會因為咁而放棄！



3. 之後就落銅鑼灣換電話，但係勁 PK 囉。真係仆一仆，好彩無仆落地，Kick 一左下勁。。。之後體驗到個樣生得細個個種弊處！咁行到去 One2Free 到，有個派籌既 Staff，咁就同佢覆述翻個情況，佢斬釘折鐵咁話無，問左兩次同一個 Staff 都話無。咁連去 Customer Service 既機會都無。

之後當然不憤啦，Call 阿娘，好彩咁岩佢係銅鑼灣。唔知係佢兇神惡煞定係 D Staff 淆底，Reject 我個個 Staff 帶左佢上去 Customer Service 個層等喎。。。真係超 Cheap 囉，擺明洽我o靚仔囉。咁就係個 Shop Manager Serve，態度完全唔同。咁阿娘講翻頭先件事，之後個 Manager 都解釋翻，個 Manager 話機身花左無得換，最後當然有得換啦，買左三日都唔夠。今次真係驗屍咁驗部機，主打係個殼。。。

真係呢，估都估唔到咁囉。所以話樣細都唔太好，估唔到 D 人有 D 咁既眼光，以為你細路仔就當你玩野，斯斯文文咁就當你好洽。係要兇神惡煞咁先理你，點解個社會係咁架。。。話分兩頭，諗住西人個套購物習慣係香港適用添，人地買野個陣習慣唔會點 Check，因為有乜問題間 Shop 都會換俾你，甚至係小到嫌包薯片唔夠味都可以寄翻去換個包新。估唔到香港真係「貨物出門，恕不退換」，咁大間連鎖店都唔換，真係搵你買，就係信你大公司先幫襯你。

其實一路都覺得係 Counter Check 貨 Check 到驗屍咁真係好難睇，又未必真係可以 Check 清楚，都絕少咁做，一路以來都係「求求其其」咁算數，因為抱住西人個種態度。可惜就係事實要我抱翻中國人個種購物態度，要即場驗屍，Sigh …



4. 今晚真係幾好餸，哈，好有西餐 Feel，一人一碟。幾好味，有牛扒食！大時大節先唔願出街，人多到死，出街好似同人打交咁，攰累累，家下好攰的說。講真，平時都 Hea 開、日日都假日 Feel，有甚麼特別？點解係要揀日多人出街既子出街，就算講食都唔係真係好食得去邊，至慘係俾佢地搶錢咁搶。。。

大時大節都係 Prefer 係家度過，至怕人多。。。幾日公眾假期除左翻 Church、翻工之外都唔會四圍去了。大家玩之餘都應該要知道 Christmas 的真正意義呢！

今晚 Pearl 做《Home Alone》，細細個個陣成日睇，真係好搞笑，絕對值得一睇再睇！



2318，睇完《Home Alone》都睏架喇，That’s All.