1527，家下好悶。。。

2300，就得，等多陣。

2108，慢慢打 Diary … 今晚好多貼圖。

1. 友人一號，實在太過份了 ↓



友人二號 ↓



PS. 咪話，分分鐘友人一號唔聲唔聲係最快結婚生仔個個。。。



2. 今朝有《多啦 A 夢》大電影睇！哈，好老土但係睇左後半集，直踩午間劇集、節目。之後就開始「紅白」，Scan 晒之後就打 CS:S。日本 Server 翻晒黎，好事黎既。之後睇左《機戰 OG the animation》最後一回，好爛。。。爛得好緊要，完全無故事可言。之但係又好期待「正式」動畫化喎！

不得不提既就係晏晝睇《足球小將 Goal》，平時都得開無乜特別，但係今日阿娘同我一齊睇！一齊睇住戴次偉射爆波、射個波入牆，都咪話唔興奮！「貼住掛網我亦射得到 ~ 連阿叔都讚好！」。

今日就同細佬一帶雙打，玩《Mario Kart》，打左兩次，每次都成半個鐘。第一次作客累績分數我贏，第二次主場慘敗。。。真陰公。點解次次射龜都揀我！！呢隻 Game 絕對人性大考驗！！



3. 哈，MusicStation Super Live 同 紅白 都 Scan 晒，感覺上紅白岩睇 D，不過講 Feel 就 MusicStation 正 D，MusicStation 中大部份歌手都唔止唱一首歌，紅白通常都係得一首。咁一路睇圖講下吧。今年有個小驚喜呢！

第一個有停低睇既係松浦亞彌，呢期佢肥左好多下。MusicStation 佢著緊身背心，D ByeBye 肉飛晒出黎，佢身段都幾好下呢 ↓



完左之後就有後籐真希、松浦亞彌、安倍夏美、仲有個唔知邊個出黎唱一輪。順次序綠衫左中右 ↓



之後就激了，兩代 Morning 娘合唱。真係盛大場面，以下見到台上的都係 Morning 娘 ↓



之後無耐就等到麻衣妹了，今次唱「Love, Day After Tomorrow」，不過感覺好似唔夠氣咁。。。佢都係紮馬尾好睇好多 ↓



SMAP，上年紅白無佢地收視插水，今次分兩節唱兩首歌，一首係「世界唯一的花」、另一首就係「Triangle」，都算好少有了。咪睇小佢地 5 個中年男人，後面咁大班有咁上下份量既人都係做背景 ↓



中島美嘉既 Live，真係不敢恭維，爛到透！佢唱親「雪之華」都要彎晒腰，係咪岩 Feel D？佢個 NANA 造型都幾惡頂下，佢條眉太淺了 ↓



演歌都幾好聽架，至鍾意北島三郎 ↓



Well，最後係白組贏。。。好多大熱歌手都無出席都贏到，開頭睇出場名單仲意為紅組贏硬添。。。



不過至爆既都係，連 Keroro 主題曲都可以上紅白，紅白既地位真係 … 亦都可以話 Keroro 既地位幾咁高 ↓



Um … 香港樂壇充斥住一些庸碌既歌手，日本方面咪一樣，差在你識唔識咁解。唔好一味祟日、祟外，人地都一樣有衰野，香港都有好野架！



4. MusicStation 同 紅白 至驚喜既就係Dreams Come True 既「何度でも」(Nando Demo) ，真係好正 ↓



呢期上既 theme 就係「何度でも」，之前都有聽過佢一、兩首歌，都幾唔錯架！主音把聲沙沙地好特別！

PS. Dreams Come True 在 1988 年成立的。



5. ↓



呢個肥仔真係要倒屌黎毒打！！

究竟佢買左乜野呢？！又唔講喎，佢係唔講我係想知。唔係 NDS 係乜野呢？呢期 NDS 真係大熱。。。係 PSP？iPod nano？NoteBook？超名貴內衣套裝？！訂婚戒指？係就好喎！還是落左首期買左層樓？！

唔好逼我，唔好逼我直接問佢條腿！



自招，抵！！呵，日本方面 NDS 已經缺貨，有錢都未必買得到，絕對係一件好事黎既。有 D 香港潮童剩係識 PSP，真係婉惜。來吧，買 NDS 啦！

PS. 點解一開頭我打「Dump 下女朋友」既？！都係肥仔醒目，自己轉翻做「Tump」。



5. 真係巧 Sweet 。。。 知道唔難，難在記得 ↓



我真係好鍾意食白糖糕！！



2400，時間剛剛好，唔遲又唔早，聽日要搶時間去 Add Drop 了！That’s All.

2405，呢 D 人真係無耐性，不能這樣性急呢！哈哈 ↓