2222，幾好喎！夜晚心情幾靚！

1. 尋晚都早左少少睏啦，天氣都唔係話暖，呢幾晚都睏得幾好，可能可以睏晝 D 啦。今朝睏下醒下都睏到十一點幾，睇到衛斯理大結局！聽日做九五至尊，好似係江華做，呵，唔洗睇！

咁極速食個日版公仔麵，超大個，未試過食晒。。。咁早左多少出門口，落灣仔買野，再翻 City。期間就 Send 左幾個 SMS。翻到去 City 又見到阿瑜，咁岩又係我翻學佢放學。。。咁入到課室放低個袋就去 SCM 問 Supervisor 拎張 Form 計翻上次做 Helper 既人工。再行翻去課室，真係山長水遠。。。今日個 Lecture 係肥佬黎，教 OO Programming，呢一堂超 Hea。。。不過感覺上好過上個 Sem 教 Programming 個個。衰就衰在細房上堂，好迫下。。。

2. 1730 放學，本來想交收既，但係朋友仔唔得閒，唯有算吧。咁又再次本來想係旺角火車站個條橋影落去女人街既，但係個天又未黑得晒，仲未係最好既 Feel，所以又算了！想行多兩步又怕迷路，所以再算了！今日花左 $540 買 Game，學朋友仔話「好富貴」啊。今日特然豪左添。。。唉，無錢，要搵多幾份，無錯，係幾份補習先得。戰利品 ↓



哇哈哈，Logic Magic 開頭都幾難打下。。。依家都仲係咁難打，不過幾過癮既！下期入 Game 最大機會都係《聖劍傳說 DS》，睇下係我買定細佬買。

3. 碎點 ↓

．Alice 個「好型」既髮型，越諗越似《龍珠 GT》孫悟空 4 既造型 ↓



佢實在太爆笑。。。我頂唔順，會笑死。。。講翻佢個頭，「惡評如潮」都應該估到既。如果有多少 High Light 應該會好多少，期待中！

PS. 悟空個頭髮既顏色改過就翻 Alice 個型頭

．如果將一青窈既歌個 Tempo Set 慢到 80% 既話會變左平井堅把聲！？超爆笑，睇睇[呢度]

2347，哈哈，同肥仔打左 Round AOC，好似太易玩咁。。。That’s All.

---
1315，一間成功既商鋪必定要有佢既商鋪特色，如果唔係就好難生存。任憑你售價比其他店鋪平，但服務態度其差都一樣無人幫襯。Game Shop 也是一樣，一間出名既白店或者黑店都會有佢地既特色。

188：驚 Hit、占士多、恆港，呢期多左老公店、老婆店
先達：魚網拖阿婆 / 先達阿婆、孖 T、曉峰阿叔 (火雲邪神！？)
黃金 / 高登：星星、寶源、雞板店

宏觀來說，先達最有特色！先達阿婆好野！曉峰阿叔好野！佢兩個真係幾好商語。