2407，a i u e o、ka ki ku ke ko ... ... 今日上架文真的不錯！另外今日見到一 D 好驚喜既野，亦都聽到一 D 好意外既野！

1. 尋晚睏得幾好，呢期都睏得唔錯！咁睏到九點幾就趕住起身翻學，本來單丁晨早 Tutorial 以前就實唔翻，講明唔 Take Attandance，但都吸引到我去翻呢！咁遲左少少到，果然無白上，係學到野喎！個 Lecturer 比上個 Sem 個個好好多！

之後就同同學去 Food Fest 食，算係咁啦，Lunch Hour 有位坐。之後食完就去 Library 打機，隻 Lost Magic 話咁快就去到第三章，不過仲係好難打下，今日都死左好多次先打贏。隻 Game 唔單止係畫魔法陣咁簡單，仲要 Plan 好晒由邊一邊攻，唔係會慘死的！

玩左唔夠一個鐘就去上架文，哈，係架婆教，真係一個阿婆黎。都唔錯，幾過癮下，佢 D 英文都幾正，隻隻都好清楚咁讀出黎。俾 Wilson 講中，真係用「大家的日本語」呢本書，都要百幾銀呢！不過咁多科最想買書既竟然係呢科 OOD。。。應該好多都係 Yr2 黎，都有一個半個省鏡既女仔呢！

最後上埋 Computer Networks，呢個 Lecturer 係基平 w/ 頭髮既外型，開頭意為佢同基本差唔多，點知又出乎意料地好喎，暫時都幾 OK 下，係講野講得快左少少。呢科同 Internet Programming 一樣係 OOD 黎，人地既 OOD 我地既 Core，真可憐！

總括來說，今個 Sem 100% Attandance 真係有可能架喎，暫時都唔會好似 Sem 1 咁咁抗拒。阿媽第一次係我口中聽到話「今日上堂幾好，唔錯」既 Comments，真係難能可貴！

PS. 不過仲係有 D 野令我感到反感。聽到哪聲線就想發脾氣、聽到哪笑聲就令人作嘔。。。



2. 放學約左 Alice 交收 (II) 。行左好耐旺角，行到無野好行，又攰。。。正想拋鐒之際，佢終於出現了！真係令人鼓舞！今日佢個頭又整過，變左咁 ↓



頭先都唔覺似，依家見到幅圖又覺得幾似！但係整過覺得好左 D，雖然都係「型」，之不過同個人襯翻 D。依家幾好啦，靚女翻晒，塊面又回復原狀！不錯不錯！去左某間樓上 Cafe 打機，有煙味！食肆幾時全面禁煙。。。打左陣 Mario Kart，普通賽車上還有實力上既差距，如果唔係仲刺激！反而玩搶 Sunshines 我多次輸左俾佢。。。應該話無一次贏到佢。



哈，如果唔係夜晚約左人，我一定厚臉皮跟妳去打邊爐！想見多你幾面嘛！呵呵呵，多謝晒。不過巧恐怖，俾佢帶左去後巷！？



3. 離開旺角個陣都八點幾，落到銅鑼灣都差唔多九點。約左 Ex 同佢既朋友食晚飯。唔知點解，硬係好似同佢地無乜共同話題咁。Ex 一早都話我實會悶，不過都無乜所謂啦，想見多你幾面唧。要搵間唔講得都食得既食肆！咁揀左意粉屋 @ 世貿，服務係幾好既。

咁一路食呀食，份量都幾多下。不過坐係吸煙區，又要吸二手煙。。。呢期發覺件褸好「索」味，真大穫，點算好呢！？咁佢地傾呀傾，我就聽呀聽。少少悶啦，不過都 Used to Be，Never Mind 吧。咁埋單位位 $78，都還可以喎。比平時食開平 D D。

諗住去食甜品既，不過種種理由所以無去到。咁就回家。。。今日真係早出晚歸，好攰。。。



2454，所以呢，今晚都要早 D 抖。。。唔知 D 補習既 Apply 有無 Reply 呢？！等錢洗。。。That’s All.