2258，今天就係「ば Ba び Bi ぶ Bu べ Be ぼ Bo」！

1. 今朝老早起左身，雖則係翻 1230。。。咁就約左型爆的 Alice 1000 @ 尖沙咀地鐵站。互相感動啦，佢唔洗我咁早出門，我又肯咁早拎野過佢。佢千叮囑萬叮囑叫我唔好遲到，唔係會俾人打死。托賴香港仔隧道塞車，我遲到。。。哈哈。

交收途中同佢同行既朋友傾左一兩句，型爆的 Alice 好驚愕咁話「點解你地有野傾！？」。咪講笑，我都唔知點解。。。直覺話我知呢個係「好人」黎，又唔介紹黎識下，衰！我忘記了一件事！就唔係唔記得同佢地「Have a Nice Day」添。。。這個型爆的 Alice 又顯露了「大頭蝦」的一面，笑死。

咁交收完要 Hea 兩個鐘先有堂上，咁都係翻去 City 個頭，去 Pacific Coffee 坐底飲下野。由於 NDS都唔係手，唯有帶 Notebook 啦。花左半個鐘搞 D 私人野，之後個 D 時間就睇《廢棄公主》，睇到第十集既一半！

夠鐘就去上日文。咁呢，上左三堂。三次都係坐係同一個人隔離，三次都係咁岩既唧。隔離個個就係之前話 Cute 個位姐姐。唔錯唔錯，直情係好！佢玩鞋。。。呵呵呵。看來佢又係有同班同學一齊上但係唔熟個 D 人黎，又係單丁一個咁。哇哈哈！唔知可唔可以堂堂坐隔離呢？



2. Well，翻到屋企諗住開工做野。點知家中又來了我的天敵 :: 大蜜蜂！真係超大隻，無兩吋都有吋半！激恐怖，照慣例打電話俾人。好好彩有人聽，打完俾一個又另一個，但係個個都好忙下。唯有自己面對隻野。其實都無點面對，只係龜係間房睇電視。。。

睇完《足球小將 Goal》再睇左多少《放學 ICU》。出翻黎視察環境，見安全就出翻黎。之後一路係聽做野，之但係隻大黃蜂爬左入件衫裡面。到老頭子夜晚摺衫既時候跌左隻野出黎，老頭子見到都嚇個突，連佢都話隻野大隻！咁隻野都無乜魄力，一野就俾老頭子捉住！危機終於解決。。。

坐左係廳咁耐都唔發覺隻野，可能隻野攝住左，爬唔翻出黎。家在 22 樓，都算唔矮架喇，再加上係冬天，點會有咁大隻黃蜂架。。。激恐怖喎，唔止一次架喇，次次都係得我係屋企個陣遇到啦。次次都係咁大隻先 Big Bang。第時我自己一個住既話一定加窗紗！！

+hung 的應對方法 ↓



武器指定為「大家的日本語」，唔怪得之淆晒，我都無個本書。另外 Wilson 個個「遞個電話埋蜜蜂度，再以聲波震走隻野」既方法 Work 既話我實用！影唔到相。。。想影個陣隻野就撲埋黎。最後到夜晚 Ex 再打翻電話過我個陣真係感動。。。



3. 咁呢幫人整一整年宵攤位既「招牌」，開頭就係咁 ↓



Wilson 都話最好鮮色 D，咁托我整既朋友都話試下用紅色咁，想熱鬧 D，最後改成咁 ↓



不過都好似唔太好咁，有少少俗氣。。。不過算吧，無時間再整，哈哈。

PS. 同朋友一齊搞年宵係幾好玩既，不過我就無咁既福份。。。不過一諗起年宵就記起 D 傷心事。。。



2346，夜晚分別同 Raymond、阿妹傾左陣，閒話家常咁啦，都係主打講「識唔到朋友」。明天還是一樣要早起，真面命。連續五日都早起。。。唯有盡睏啦！That’s All.