2222，為左等大家知道我身邊既人既名，今日決定開名講！

咁晚理應可以早睏既，但係為左打 Diary 最後都係十二點幾睏。。。睏都未睏夠就要趕頭趕翻學。未上堂之前憑個樣都估到個 Tutor 都係火爆型架喇，事實上都咁上下啦，無得 Hea。咁上堂猜輸左，要 Present 一套極無可能睇得明既戲，賴野。。。今個 Sem CM 個 D 科真係唔好讀，又要拍片又要睇片。呢 D 野我真係麻麻地。。。但係都無辦法啦，點都要挨落去。

上完堂有 3 個鐘 Break 先去上堂，同左唯一一個同堂上堂又熟 D 既同學 Eric 去 Library Hea，佢就打 PSP，我就睇《廢棄公主》，仲剩十集就睇晒！咁睇到咁上下就同 Eric 去 FoodFest 食 Lunch。走個陣見到 Anffany、教會既聖杰、BA 既 Sharon，全部都有打招呼架！至搞笑我睇住 Anffany 昅女仔！不過今日真係撞見好多人，朝早見到亞寶，講左兩句。之後又見到心愉、上上下堂係門隻窗又見到阿瑜。。。等 Eric仲意為我好多朋友添。。。

曾經諗過去意粉屋食 Tea 既，但係唔知有 Tea Set 未。最後都係食吉野家。。。食完就慢慢咁行翻去上堂。今堂覺得好廢下，用左好多時間 Review 大家應該識既野。咁呢，教得比較慢。上堂期間都有 D 小事發生既。David 家下好有衝動買 NDS 玩，原因係有一位同學 Unx 帶左部機翻黎，佢問佢借黎玩。可惜我無機係手，唔係實 WiFi 打孖車！不過玩 NDS 就最好唔玩老翻啦，其他機種我無意見，係 NDS 唔好，係一種侮辱！Ricardo 搞爛 Gag，笑死。雖則就快放假唧，唔洗咁亢奮既。不過聽到 Ricardo 話佢個 Tutor Hea Hea 地就覺得唔抵！

如是者放學，紫薇打電話黎話個年宵個檔想整多幾隻細字，就係「硬冷膠」。咁本來諗住聽日先整俾佢，不過翻到屋企就以極高速度整好交收埋。回家無耐阿娘就回到家，襯年尾就要大吐心中鬱結。講左大半個鐘，講到口水都乾、聲都沙埋。講乜野，咪又係講「無朋友」。

坦白說，我應該有情緒病，久唔久就爆煲勁。講咁耐都係想阿媽開解下我唧。「養兒一百歲，長憂九十九」，無辦法架喇，一世都要靠阿媽開解。阿媽偏心，自從細佬出世就失寵！阿媽又話點點點、咁咁咁，但係又俾唔到方法我解決「無朋友」既問題。佢係咁話「我唔覺得咁係乜問題。」講講下點出重點「我似我老豆」。。。大穫，就係察覺有問題所以要糾正過來！如是者就喋喋不休喋講，講左好多比喻、又指出左「朋友」、「同儕」既分別！但係都無辦法解決，成日諗野，真係諗壞腦。。。我要似阿媽唔要似老豆！

講真，我一 D 都無後悔無上莊、無去 O-Camp。點解？因為覺得那些極其量是酒肉朋友，又或者知期朋友。初識個幾粒月可能有聯絡下，之後變做見到面打招呼，到最後變翻陌生人。咁樣又花時間、感情去識，唔太掂呢。咁有時明知人地係「壞」，咁又無理癡埋去架嘛。呢樣我仲好「堅持」到我係我。但係阿媽都講得岩既，要「Open」 D，不過都要有 Target 先可以 Open 架，唔係好危險下。原來自己保護性是這樣強！阿媽至爆笑話「咁你搵個女朋友囉」。真係隨隨便便搵既就搵左九世啦！就係唔想變壞，要做好仔！

之後上網逛下，哈，老任 Mar02 出新版 NDS ↓



就是這樣的一個故事 ↓



規格 ： (長) 133.0 × (寬)73.9 × (厚)21.5mm（折疊時）
[參考]　普通版　(長)148.7 × (寬)84.7 × (厚)28.9mm
重量 ： 218 g
[參考]　普通版　275 g

都輕左唔少呢！照勢來看，應該會買了。。。哈哈。儲錢！

2249，講完。今日要早 D 睏先得！That’s All.