1918，今日出街吹親個頭，有 D 頭赤赤。。。終於睇晒《廢棄公主》，又係時候睇套新。

2300，哈，近期比較操勞，身體有多少毛病。。。

1. 今日超難得可以睏到十一點，成個禮拜都要早起，今日睏得特別舒服！之後阿娘係大家樂買個晏晝食，食完就出發去拎翻個特區護照。都等左一陣間，至爆笑個位職員開咪讀錯我個名，變左「__ __ 壽」。識唔識字架。。。唔識既話睇下英文譯音吧！

之後撘翻巴士回家，新巴既巴士真係好唔掂。。。4 號同 M49 好耐好耐都無車囉，真氣憤！回家前去惠康買汽水，有 D 無賴係度拗張 Coupon 用唔用得。。。個 Shop Manager 可能係有問題，但係佢真係無講錯。

之後回到家 Check 帳單，發覺我變左「Wong __ __, VICTOR」。。。PK，姓黃。「世上只有媽媽好」，又係阿媽出馬打翻去 Customer Service 搞掂，不過都搞到好勞氣。One2Free 個面應該有我 Apply Service 既 Hard Copy，但係要我 Fax 翻個 ID Card Copy 俾佢。ID Card Copy 唔可以亂 Fax，頗危險呢！是日金句「我唔係無賴或者野蠻，事實上係你公司同事做野有問題，唔應該將個責任俾翻個客。」。

餘下既時間就係睇埋套《廢棄公主》，下套都唔知睇乜好。全家除左我之外同老頭子個邊既親戚出外用膳，至怕那些「真情式超大圍」既飯局，得個食。而且又唔係話甚麼特別岩食，同 D 人又無野講。呢 D 野唔岩我。如是者就係屋企睇下電視、Hea 下，感覺都唔錯。

PS. 諗真 D 今晚全家食個餐應該係「團年飯」？



2. 「世上只有媽媽好」。就算係哎吔阿媽都一樣咁好。尋晚 Alice 媽媽好用心咁開解我呢！瞭解佢多左時自己又瞭解自己多左。真係好！

問題既重點有幾個既，一來朋友既定義又窄左少少而且苛刻左少少。二來之前未試過又未受過錯折，搞到依家一穫泡。三來亦係最重個點，就係我唔識「假」，唔知點應付那些虛偽既人。而且有時就係看清人底子後就會好快決定那些人是交得過、交些是交不過。咁有時都會睇漏眼，咁又少個可能的朋友。或者真是要試下試下咁先得了。。。

有樣野講得幾岩，依家就話對三年，但係萬一出黎做野個陣就會仲長時間，要「忍」下先得。看來都要順其自然吧，反正做左都未必好。keke

PS. 估唔到 Alice 係咁成熟穩重、咁識做人。遲下實搵到好老公！



3. 碎點 ↓

．依幾日都係「個肚肚餓但係個口唔想食」，可能係呢個禮拜飲食唔定時。。。
．細佬回到家說今晚那間食肆 D 食物極難食，好彩無去唧。
．紅日個幾日真係無出街既意慾，唔好約我，但係都要同我傾下閒計。
．已暫定去那處拜年，去阿婆、舅母 / 叔公婆處。其他一律唔去，反正對我來說都無意義

2442，這是後補，打漏左呢個添。。。That’s All.