2126，正所謂「天網恢恢，疏而不漏」，唉。。。點解我都有份呢？

尋日先話三月頭會忙，原來不知不覺已經係三月。下個禮拜仆 __ 了。下個禮拜二交睇片 Assignment 1、禮拜四睇片既 Presentation。下下個禮拜一要交拍片 Assignment 2 同埋日文 Written Test、下下個禮拜五就交 Networking 既 Assignment 1。搞掂晒就重見光明！

至賴野都係睇片個兩份野，都唔知點做好。寫個份就 500 字，好似好少，其實都不知幾多。。。戲都算叫做揀定，做《Die Hard》，貪佢夠大路。Present 個套戲得 20 mins，係 Non-Narrative 既戲，即係點都唔會睇得明。要 Present 15 mins，真係播晒成套戲都仲得。。。點算好！？

拍片都諗過下既，Topic 係「About Myself」。拍乜野？拍煮野食，開頭好猛火，之後較細左。咁水滾落公仔麵、配菜，但係煮到一穫泡，最後都惡哽個個麵。大約思意話係開頭好有人生目標，但係耐左就自自然迷失左，唔知點好，到最後都無辦法，都要哽左佢。係要解決「主角」既問題，但係我好抗拒影人 (樣) ，因為我唔識影。。。睇下用乜方法避左佢。不過話時話，如果之後搵大家幫手參與拍攝的話，請大家不要覺得錯愕，希望能夠對我伸出援手吧。

唔知以上 So Call 叫「Idea」會唔會改，但係構思就係覺得自己無左目標咁，得個好長遠既目標就係「結婚生仔」，短期少少就無。。。好似唔多掂咁呢！係，開頭覺得 CM 應該係最適合自己，但係時間耐左認識深左已經對佢談不上興趣，幸好未算得上討厭。究竟其實我想點呢？我只係想平平淡淡，零錯誤無壓力咁完成大學生涯。。。當然係無可能啦。。。話唔定我應該讀 Account 架！

今日都無乜精神，仲頭痛添，食藥都無用。。。最後翻到屋企都要睏一陣。依家又唔係話壓力大，但係硬係有多少唔自在咁，其實呢 D 係咪就叫做「壓力」呢？找到了「壓力」，不過舒壓唔到呢。。。

2301，又係時候要抖下。That’s All.

PS. 那位可愛既姐姐真係超可愛！樣子很甜美呢！