2211，從疲累中醒過來。。。

尋晚都睏得麻麻地，睏下醒下。結果當然就係頭痛啦，又食左兩粒止痛素，已經係連續第二日係咁，唔係有乜野隱病嘛。。。咁都睏到剛剛好 Last Minute 先起身裝身出門，平時撘開巴士落銅鑼灣，今日送車尾而且隔離過海隧巴又準備開車，二話不說就撘隧巴過海再撘火車！真係快好多喎，45 mins 到就翻到去！就算要等車多 10 mins 但都比平時既 70 mins 快得多呢！又唔洗係地鐵轉到頭暈暈！缺點就係貴。。。一日來回就齊頭 $30。

由於早左翻去，有時間去食個早餐。咁就再放慢腳步 (平時都已經慢。。。) 咁行，見到有陽光。彷彿無同陽光玩遊戲好耐，今日玩一輪覺得精神左。再諗下好似平時無運動，倒不如放假既日子襯朝早有陽光個陣出街行下。跑就唔好了，以我超慢既腳步行行翻一頭半個鐘都唔錯！就聽日 Day-Off 試下先！行去數碼港好定係行去黃竹坑好呢？

上完睇片 Lecture 之後就去 Library 睇《Un Chien Adalou》，中文叫「安德魯之犬」。15 mins 長既片，完全睇唔明，算數吧。。。上網睇 Comment 再度度點 Present。。。睇完 Lunch，Lunch 完翻 Library 睇下人地既 Xanga、Download Notes 咁就四點幾。上埋個 Networking 既 Tutorial 就回家。

個 Tutorial 真係超正！DSL (Netvigator、部份和記用戶) 同 Cable Modem (I-Cable、HKBN) 究竟邊個好 D 呢？聰明既大家都覺得 DSL 有獨立線會穩定 D 會正 D。咁但係都唔好睇小 Cable Modem 喎，話晒人地最快可以有 10Mbps，都算係曾經風光，雖然多人用可能會好慘烈。← 個 Tutor 講的，真係超爆笑，勁多 Gag 雖然爛多，但係都笑左出黎。。。

今晚小組補習感受到莫名其妙既「開心」，難道我真係鍾意教書！？咁又唔係話 D 學生好聽話，但係算係有對話、溝通。攰得黎又唔覺真係攰，都 OK 啦。一個禮拜見佢地三晚，分分鐘仲見得多過我既同學。不過衰就衰在 D 學生唔帶字典，用唔到 Alice 耍無賴個招。。。對住一 D 英文生字，都唔知點幫佢地好。唔係話我唔識個字，只係唔知中文點解，講其他英文同義詞佢地又唔明。。。都係帶字典好！題外話黎，隔離補小學生個位姐姐 (真係姐姐黎！) 好似某人，特別係個側面，超似！

2307，睏覺豬！聽日十點零起身散步！目的地係數碼港！！That’s All.