2148，事與願遺。

尋晚個場 AOC 令人大開眼界呢！亞寶巧勁啊！！成個版圖都有一常係佢勢力範圍。唔知點解，我玩呢 D Game 一來唔可以顧咁多方面，二來又會玩到對眼紅晒呢。。。雖然係咁，但係會再玩落去，呢 D咪叫做「犯賤」。

哈，諗住曬下太陽做下運動等夜晚可以好睏 D，點知。。。事與願遺，尋晚四點幾先睏得著。。。真 PK。睏到剛剛朝早九點正即醒極速出門。點知俾我遇上火車信號故障，有乘客破口大罵一位清潔員工。。。又來耍無賴？又關個清潔事？！

今朝終於兜口兜面係 City 見到心愉了，係咪好 Surprice？其實剩係佢唔知我讀 City 唧，我知佢讀 City 都好耐了。之後見到另一位亞寶，再之後見埋阿瑜！乜大家都咁精神既？！上完堂諗住去 Library 睏下，事與願遺，百無了賴時間就過晒，無得睏。咁就係上堂前去左老麥食野，哈，見到「點 Jack」！！一齊 ↓



本來諗住搵 Wilson 兄 Hea 下既，上個禮拜四晏晝佢 Send 左呢個 SMS 黎，可惜我約左人 ↓



今個禮拜就到我 Send 呢個 SMS 俾佢，難得我又得閒 ↓



點知佢就話 ↓



真係衰，走堂走到好似佢咁就唔健康了！依家 Week 5 我仲係 100% Attandance 架！仲有 7 個 Weeks，睇下可唔可以創記錄啦！創黎有乜用？無用架，虛榮心作怪。

夜晚班學生個個食晒藥咁勁嘈，又唔想鬧佢地咁掃興。最後當然就無鬧，不過就用了「說教」這辦法。當中不斷注入我既怨念，講到佢地好似好內疚咁，即刻無聲出。細路果然係細路，咪講笑，呢招對住 Form 5 學生都一樣得！

今日臨散場之前十零分鐘俾左佢地睇 Alicia Keys 係 Grammy 表演個首「If I Ain’t Got You」既片佢地睇，順面教下佢地生字咁。我覺得都幾 OK 架！不過衰就衰在隔離 Form 2 班男學生好似眼紅喎，臨走個陣串我幾野咁。不過唔係我學生，廢事理。哼，係我學生敢串我？睇下有乜結果。

有 PS2 既朋友有新 Game 玩了 ↓



雖然係舊酒新瓶，不過點都要試下既。不過無位 DL，唔似 +hung 兄咁多位。過一兩日先算吧。嘿，DL 完之後會自動送到府上。

2230，真係要早睏。。。眼火爆了！That’s All.