2131，唔怪得之搵我玩 AOC 啦，原來你 Day-Off。。。

今朝行左兩個鐘路，攰就梗架喇。諗住腳攰，但係唔知點解對手都攰既。。。有無人可以話我知點解？

今日算係學識左玩接龍，哈哈。其實依家都唔算係好識玩。晏晝玩到俾人話，直頭要佢教點玩。。。算係咁啦，都贏左一鋪。實不相瞞，玩到對眼紅晒。。。真係唔識玩呢 D Game，玩既話只會顯出我既無知同愚昧。

理應晏晝一回家就食 Lunch 再睇兩套片，但係玩一玩接龍時間就咁過去。最後剩係睇得套《92 黑玟瑰對黑玟瑰》既 Disc A，Disc B 都要補完習翻到屋企先睇埋。Well，睇唔慣呢類片呢。。。總覺得無無聊聊咁，應該係我問題黎掛。

補完 Form 5 Econ 就補 Form 1，晚上時間就咁無晒。Form 1 班學生又帶唔夠野黎做，我又唔想準備乜野俾佢地做，佢地又唔想做額外既野，又唔想一齊 Hea 喎，真係衰。問班學生隔離補其他 Form 既導師既年紀佢地又話唔知。就咁爆笑對話就黎了 ↓

我：「隔離補小學個位 Miss 係 Year 2？」
同：「唔知喎」
我：「個位 Miss 似大個我喎」
同：「可能係讀緊中學架咋」
我：「讀中學咁高大既！？」
同：「係啊，依家讀中學都可以好高大」
我：「咁隔離補 Form 2 個位 Miss 呢？」
同：「唔知喎」
我：「有無搞錯啊！？」
同：「都唔識佢地！！」

唔係呢，個位補小學既 Miss 真係好似某某，似得好緊要呢！不過好似仲未見到正面，搵日搵機會「及」下先得！

見肥仔消先左一排，今日特登襯佢等翻馬會個陣電佢。呵呵呵，知係你啦！唔洗潛水了！哈哈哈。搵日食飯，去 Pokka Cafe 食！齊齊去搵錢！齊齊各自去旅行！

2214，今日係咁多！That’s All.

---
1335 ↓

今朝十點幾就起行行去數碼港，原來數碼港好遠架！行左 45mins 到就到，沿途當然有好多野睇啦，不過由於以超輕便裝備出發，無得影相。留翻下次先影相，所以都係留翻下次再講。

今日行到去數碼港商場、三期。一期同二期比較辟靜就無行到，個數碼廣場乜野黎架？佢唔同數碼港商場架喎 ↓



貝沙灣南灣令我歎為觀止，真係成個「小王國」咁，超 Grand。。。有錢住個度都唔錯！另外數碼港都有間 Starbucks 架！？下次入黎數碼港我請客，哈哈。其餘都係留翻下次先講。

另外學校個危險斜坡，仲有迷之密室！？ ↓



不過講真，貝沙灣個景係幾靚既，尋死都一流。無遮無掩，一野跳落海實亂石穿胸！！