1900，果然係「暗柳花明」。係一件值得高興既事黎，但係開心之前要寫好「Die Hard」既 Essay 先，唔係就真係 Die Hard。。。

2346，聽日交既 Assignment Clear！！

今朝無啦啦又塞車囉，結果遲大到。。。如果我肯追車既話就唔會遲到，但係我係唔會追車既！！不過遲到都唔緊要，今朝呢堂都 Hea Hea 地。有 D 同學已經拍左片了，我仲乜都未拍。。。如是者今日 Non-Stop 咁上堂。

上到咁上下肚餓走去 KFC 買野食，期間撘 Lift 見到 Wilson。呢個人就唔話得啦，佢塊面就話好用地可以摸下，我呢 D 骨瘦如柴就咪摸啦。。。大家都趕頭趕命，佢雙手摸面個一刻結果係超大力拍左埋黎，連佢既同學都話「好大力喎。」。我入 Lift 個陣見到佢眼神有一點點既悔意，哈。

到放學個陣又見到佢，打電話同佢講又話約左佢同學一齊走。呢次真的要做點事了！我嬲，呵呵。唔同你打招呼，簡直係我既拿手好戲 → 掂行掂過！哼！之後仲落雨，連個天都覺得我可憐。。。

上尾個堂既途中已經做到驅殼上堂，靈魂就做 Essay，寫低晒個 Structure 同 Development。翻到屋企都怒打 Essay 架喇，可惜個心都係散。都有睇電視，睇多次《小時候》，真係好好睇喎！之後個鐵血乜乜都 OK 喎，好強勁既 Cast 呢！不過如果大當家係另一位更有台型既演員做就仲正！如果係高雄就好了！又有麥包 ↓



真係幾型既！

正所謂「暗柳花明」，早排先話難搵補習做，今日就 Firm 左有一份補 Form 1 做。係香港仔石排灣，人工方面都算 OK 啦，近近地都幾好呢。有一日就補硬禮拜二架喇，差在另一日在係補禮拜三定四。如果禮拜四既話，我既 100% Attandance 計劃就會告吹，咁我就會開始喪走堂，到時真係 ...... 依家補緊三份，唔知 Form 5 個兩位姐仔補到幾時。諗緊再搵唔搵多一兩份，不過如果係咁既話就會爆辛苦，阿媽聽到我話想再搵都嚇個突。但係我都係為錢唧！

2404，今日作左六百近七百字，唔作都唔知原來自己無寫咁大段英文咁耐。咪講笑，真係有 D 吃力。。。明天拍片活動，風雨不改！！That’s All.