2200，終於可以係屋企抖下。。。今日可謂「一波三折」。真係講句「神聖的拉屎」！

1. 今日遲左起身又遲左出門，搞到差 D 遲到囉。。。今日翻學既目的擺到明係交 Assignment 啦，但係又話要上堂前交，真係趕到 PK 囉。上堂一樣係 Hea Hea 地，落堂就諗住去借機。之但係 Book 機個個網個 Password 唔知點解同我有仇咁，打極都唔岩。Click 「Forget Password」又無反應。。。最後終於 Login 到，好彩今日 On Duty 個個唔係黑面神，唔係就煩到七彩。

之後 Lunch 都無食就係紅堪撘巴士回家，就係個時諗好個 Shooting Plan，其實都未話諗好的。之後就同 +hung 匯合步行去數碼港，沿途拍拍拍啦。之後見到一群踩板既外國細路，當然就係個勁頭搞搞陣啦。呢個唔係重點，重點係其中一位問我「Do you need my help?」。真係勁愕然，文化果然唔同！

之後去到 Starbucks 想話借個角落頭影，但係失敗。之後買杯 Take Away Cold Chocolate 就轉移陣地。去左「數碼廣場」拍，諗住無乜人又有靚景。點知後有個保安員行埋黎話唔拍得，咁同佢傾左一輪，佢叫我地收埋腳架先，暗示我地要低調 D 咁拍。原來成個數碼港咁大都唔俾拍野。。。保安員應該有一定教育水平，講野都有文有路，又解釋得幾好。雖然個當中原因好無稽又唔俾拍，但係條氣順。

其實個位保安員之前同過一對外國夫婦講過話唔俾帶狗去個個爛鬼數碼廣場。跟住之後個對夫婦臨走陣走到黎問個保安同我地講過乜野，跟住咪同佢講翻話唔俾拍片。跟住個女人就係度話 D 條例無稽，傾左幾句佢地就走左。雖然係幾句，但係好有共鳴！外國人既文化的確唔同！

但係拍拍下落雨囉，好彩係微雨。之後同 +hung 行翻去華富就各有各散。+hung 話拍片好玩囉，我完全唔覺。最好唔洗再拍！但係不幸既話要拍多兩年。。。真係煩到爆炸！

回家不久就去補習，這個留翻 Point 2 先講。咁補完回家諗住找中心個 D 細路同 Miss 幫手拍最後一個 Shot。之前都問過班學生同個 Miss，佢地都話 OK。點知有個應該係無乜受過教育既阿叔職員兇我囉，勁瘀皮。瘀都唔係好瘀既，係條氣唔順囉！真係超唔順。之後同翻另一個職員傾翻，佢解釋翻件事，又客客氣氣咁，條氣先順翻。哼，我一定唔會同個個阿叔打招呼，講得出做得到！不過由於早出晚歸，補習都無乜精神。Hea 下 Hea 下就完。今日出埋糧了，儲入銀行先！



2. 未補之前都係度諗，住得呢頭附近又係英文中學，會唔會係師弟黎呢？哈，今早補習個位小朋友原來真係師弟黎。成積同我個年代比唔算話好差既，但係係依個世代原來已經係好差，包大艇。。。都幾嚴重下。不過位小朋友英文都係差，咁依家讀英文中學係比較吃力既。計數又唔小心又唔識解題，點會唔錯到九彩呢。不過聽到佢個班既「教書陣容」又真係有點。。。

咁臨補完個陣真正既老闆就翻到黎，又講左幾句。問個學生既短期目標係乜，佢就話要全科合格。真係唔係話潑佢冷水，難度真係頂爆。我咁多年都未試過。。。不過點都好，點都要俾 D 信心佢但同時話個事實佢聽，所以中英數合格先啦！Form 1 野難得去邊，反而睇佢同我夾唔夾，如果夾到既話應該真係幫到佢既。看來要為佢備下課了。。。亦都要為佢走堂了！我個齋砵要打爛啦！



2300，正所謂「牽一髮動全身」，今日達到目標，明天又有一個新目標。就係要翻 City 剪片同準備禮拜四既 Presentation！唉。。。都係個 Presentation 煩，都唔知點 Present。天氣又凍翻，真係衰！That’s All.