2222，大前日就係「一波三折 + 一塌糊塗」，而今日就係「一帆風順」！！

1. 話說今日要 Presentation 既，同另一位同學一 Group。尋晚就係咁準備啦。咁個位 Partner 就好擔心咁，我就平常心態，又唔係話緊張又唔係話輕鬆。

尋晚攰得制咁好早就去睏，咁 Set 左鬧鐘 0600，掙紮左 40 mins 終於起到身！咁一起身又再睇多次片就剪 D Clips 出黎，剪呀剪，就咁剪晒 D 時間。咁就碌翻去 City，與此同時同個 Partner 講下點樣 Present，順面整埋 Present 用既 Handout，整整一張 A4 紙，當然係 Point Form 啦！不過至爆先 Print 出黎個陣 Jam 紙囉，仲話 DoubleA 喎。。。

到 Present 既時間，一臉重容不迫。咁我做開頭個個，哈，人地 Present 應該企係度，但係我就坐左係個「教師位」度講。接下來既形式講到好似教書咁。。。不斷問「明唔明」，哈哈，我都覺得好笑。其實開頭個 Tutor 預呢套戲頂盡每人講到 5 mins 到，但係我地就講左大半個鐘。咁係有 D 時間係度睇片同埋討論問題啦，咁都討論左好多野。

簡單 D 講句，我覺得呢個 Present 幾好。可能未必高分，話晒呢 D 野都控制唔到，但係自己就好滿意，真係好滿意。突然得覺得自己大膽左。。。也許有少少職業病！？補習慣左係咁講野。。。

落堂去 CM 過 DV 帶，唔知點解我無得借 Mobile Harddisk。。。搞完一輪之後去左 KFC 食 Lunch，隔離冰場既娛樂性好高呢！特別係 D 得幾歲既細路仔，跌下跌下又唔跌個 D。另外冰場又係同異性有大量接觸既地方，今日見到個男仔唔識踩冰，另一個女仔就識踩，兩個手拖手幾 Sweet，個男仔仲揸錯位。。。笑死 ↓





2. 食完 Lunch 就到是日另一高潮啦！無心插柳柳成蔭，本來 Send 個 SMS 俾 Wilson 兄，點知佢又走左堂。咁就約左佢見下面咁，兩個人去左 Spagetti House 食，咁當然都係佢食既多啦。



閒話家常，都唔記得講過乜野。最記得佢繼續講佢係同學之間既「存在感」低下，同埋有陽光曬個陣好有朝氣。咁呢，都重要架，有信仰唔代表會失去 Personality 既，都可以好有性格架嘛。唔同人有唔同既「取向」，所以唔可以一竹篙打一船人既。有人妒忌，呵呵呵。PS2 咋嘛，哈哈。擺到明個個係事實，無辦法。

之後兩個人撘火車見到個男學生，D 暗瘡真係多到好恐怖，仲要爛上加爛，應該去睇下中醫呢！咁到紅堪，故地重遊，去 Poly 行左轉，真係抵死！咁去左 Core Y 見識下落地玻璃廁所！不過見到呢個告示都唔知好嬲定好笑 ↓



Poly 真係靚過 City 好多喎！咁又唔去 Poly 讀？！無計呢，有 D 野係整定既。。。走去追巴士，但係司機唔開車門。。。等左好耐下先有巴士，再之後各有各補習了！



3. 作為一個老師，教著一 D 蠢既學生唔緊要，教著一 D 懶既學生都唔緊要，但係教著一 D 曳既學生就真係好緊要。絕對係噴血的！！今日踩兩場，早場無乜問題，係個學生靜少少，我要講多 D 野。之但係有飲品招呼喎！真係好感動。。。呢 D 學生我絕對會好比心機補的！

但係到夜晚小組補習，真係好似鬥 Hea 咁。個學生又唔夠膽同屋企人講話「依家我唔補，反而去補習都係 Hea，不要俾補習既錢我用好過啦。」。真係激到超嘔血。。。真係唔想放棄佢，但係佢就自己放棄自己。中文真係唔易呢！絕對比佢地既中文考起。

兩個 Gag，都唔爛的。最 Hea 個個學生無啦啦講 Quota，但係原意係想講 Counter。我講左超多次 Counter 佢就爆左句 Quota，呢樣野夠我講幾日，真係笑到抽筋。。。仲有就係有個學生比 D Staff 當左做阿 Sir，咁我係學生？咁我真係學生黎，不過唔係中學生。。。頂！！我個樣唔係似 Form 1 嘛。。。又係笑死。。。



2304，聽日終於可以睏晏 D 了。。。That’s All.