2208，長話短說。

咁今日翻左去試下播條片，OK 無問題，不過唔知點剪埋佢好。同個 Tutor 講左幾句，今日先知原來 City 4F 個度都唔俾拍喎。跟住之前 City 既 Security 投訴過話 CM 有人拍學生裙底！？都幾爆笑，個 D Camera 大部到成隻乳豬咁，話用黎拍裙底，都癡癡地。。。總之就煩啦。Tutor 話千期唔好俾 D Security 兇到！咁當然最好聯群結隊，人多 D 辦起事上黎都易 D。

PS. Tutor 講左句野，幾好幾好，好 Encouraging！就係話「可能你唔鍾意拍片，但係鍾意剪片呢」。

之後聽到同學話 Networking 個 Tutor 唔同，即刻無晒上堂既意欲。走左今個 Sem 既第一堂，破處了！唔緊要既，都無辦法了。走堂去左食 KFC，又排左條勁慢既隊。。。同同學交流下拍片感想。回家之後睇左過百個 Movie Comments，原因都係為左聽日睇片既 Presentation。一路睇一路睇，睇到五點幾。。。打過電話俾個 Partner 講下點 Present 好。途中竟然。。。Wilson 突入！

理應好忙咁準備聽日 Present 既，但係同 Wilson 講左超耐電話。今次唔係我吐苦水，係佢噴我苦水，呵呵呢。講到我去補習。。。就在今日，佢一步一步踏入黑暗之中，而「存在感」亦越來越低。。。Wilson 說「你應該讀 BBA IS 啦，真係好岩你！Social Science 唔岩你！」。好！等我考慮下轉唔轉科，過左 Deadline 未？哈哈。

天氣凍，條街又大風，總之就 PK 啦！不過好彩今日要做既事都算做好晒，雖然 Present 用既野仲未搞掂。明天既目標好簡單，就係剪好尋日拍個 D 片！！

2231，That’s All.

---
0922，襯出發前補幾句先。咁尋晚前後有兩次外國人撘訕，其實想同個班踩板細路講不如係馬路踩板，等我影低佢，之但係萬一車親就蕉得，所以打消念頭。之後如果唔係話唔俾明拍既話，一定會邀請個對外國夫婦上鏡！

之後諗走個陣見到一位老人拖住隻狗仔，咁經 +hung 提點之後，咁就走去影狗仔。影都唔緊要，至爆笑諗住摸下隻狗，點知隻狗「奶」我隻手。。。唔係話唔好，唔衛生嘛，哈哈。

咁凍真係唔想出街！