2247，咪講笑！今日計左差唔多三個鐘 Form 1 數。。。

1. 今日係 Poly 落車個陣見到阿瑜，阿瑜步速非常高！追到我死。。。本來我呢 D 強調優閒既人唔會追車既，但係見到阿瑜追得咁急咪追埋一份。到九龍塘個陣即刻追上去，終於俾我追到。。。Hea 左幾句咁啦。

由於睇片堂已經 Present 左，所以上堂都無乜壓力了。今日大家先講起話 City 花 D 錢去整廁所，反而課室個 D Screen 就成日虧虧下，呢 D 咪就係浮誇既行為黎囉。。。今日同學 Present 《Psycho》，學識左用刀插人既正確手勢！

上完堂搵人食 Lunch 但係有人唔得閒，咁就同同學去左都會《小魚滋味》Lunch ↓




本來食完諗住落旺角買 Game 既，但係食 Lunch 前見到 Wilson！就埋下一連串既伏線！！



2. 咁走個陣見到 Wilson 同一個 OK 省省地鏡既女同學一齊行，我之前都未見過呢！就係個陣問佢一唔一齊走，個陣佢都答我唔到，咁咪落紅磡食 Lunch。點知食緊 Lunch 個陣佢就約翻我。咁諗住 Lunch 完翻 City 搵佢，係火車上面佢打俾我話佢入左閘，準備撘火車。。。Shit！就因為咁我就浪費左 $3.2 了！

又撘火車到紅磡，咁佢就講左最近期有乜大事發生，不過都估到點解架喇。話明係《America’s Next Top Model》，當然係「WHO will be eliminted next !!」。不過都好難幫到當事人，都係要自強啦！咁兩個一如以往係 Poly 打個轉，最後去左 Pizza Hut 食。我都未試過咁短時間又 Lunch 又 Tea。。。



哈，呢個就大堆頭喇 ↓



食完佢又話唔夠飽，去左尖東老麥搵「點 Jack」，希望當然係落空啦。邊有咁易俾你中啦！食都食死人啦！仲要係街好 Brokeback Feel，我就拎住 D 醬，佢就係度又點又食。食到咁上下就追車。Shit！今日追夠車了！咁大家都係去補習既。



3. 到補習，今日又輪到補 Form 1 個位師弟。今日已經重申一次唔好叫我阿 Sir，叫我名就得，叫我阿 Sir 反而唔知點咁，好見外啊！不過佢真係 Show 到佢既 Efforts，我好滿意，真係好受我教，今日見佢計數都小心左。D 英文既 Terms 又記得，真係令人好鼓舞！補佢補得幾舒服！

到小組補習個陣，其中一個學生聽日 Math Test，考百分數。咁就係個 1.5 hr 裡面當佢係私人補習咁單對單同佢狂做數，連佢都話未試過咁充實！由於今日大家見我有團火，所以今日大家都好乖咁做自己野。

但係衰就衰在有個隔離 Form 2 既學生係度撩我其中兩個學生，仲係後面向其中一位學生掟野。嘩，咪講笑，咪即刻發爛省個條友！佢都面懵懵無野講，其他人咪靜晒。呵，各位同學終於見到我真面目了！真係夠膽死，撩我 D 學生！？仲有下次既話我唔省爆佢！？



2357，依家星期一至五都要補習，好似好對唔住阿欣咁，次次搵我我都唔係屋企。。。唉。。。唔好意思了！That’s All.