2001，早 D 打 Diary 先！

1. 真係 100 百歲唔死都有新聞聽。。。今日撘 107 過海，途中見到架 37A 拋鐒，個個 Moment 心裡暗暗地笑左野。點知出左香港仔隧道口個陣架 107 個車頂俾個棚架刮凹左。。。

個陣就睏緊覺既，無啦啦聽到刮刮聲，開頭都唔為意既。但係之後司機停車，乘客落車一望個車頂就知奶野。。。好彩係去紅磡，撘乜野 1 字頭車都得，都無乜話阻好耐咁。不過撘巴士都咁危險。。。分分鐘睏睏下死埋添。。。



2. 尋日走左堂 Lecture，與此同時原來要做 Project。一如以往，走堂既話就會俾人忘記甚至拋棄，所以無組都正常既。但係經過上年 Poly ITEC 咁多次 Project，已經去到一個境界係「I don’t care」，單挑都無問題，反正我又唔係唔識。

咁尋晚有位同學找我，我都問「唔係要 Form Group 做 Project 嘛」，點知真係。幸好個位同學仲記得我，同我一組。算係咁啦，仲記得我，又或者見我識識地做先同我一組啦，無論如何，我都唔介意。哈，我化晒。。。

落堂 Lunch 去左搵「點 Jack」，個日式咖哩甜甜地都過得去。食完去 Library 打機，之後上日文都幾 Hea (其實堂堂都 Hea)，不過個個輪住要問問題同答問題，都幾大穫架。今日個位可愛既姐姐又坐隔離，仲有一句對話架，哈哈。



3. 由於要補習，3 科 CS 科之中最值得上既 Networking 上得一半就要走，今日又補翻個位令我吐血既 Form 2。今日轉左位置坐，又開多棧燈，覺得無咁難頂。不過講幾百次「圓面積 = 半徑 x 半徑 x PI」、「圓周 = 直徑 x PI」、「直徑 = 半徑 x 2」，但係佢就係唔記得囉，幾難先壓得住 D 火。。。不過到後尾都見到有丁點進步既。。。但係講真，最難補係佢。



4. keke，《聖劍傳說 DS》入手，$225 @ 阿婆 ↓



係襯撘小巴之前去買，同阿婆 Hea 左幾句咁。阿婆 D Game 真係賣得平過其他個幾間，都唔明點解既。。。隻《Mario & Lugi RPG 2》賣 $210 咋。。。阿婆真係值得幫襯！！



5. 碎點 ↓

．乜野叫「羅生門」。。。有無人可以話我知。
．「真係講你都唔信呀！」D 細路仔真係好得意！！

2018，Hea 埋今日先！That’s All.