1318，真係忙。忙到先幾日先得閒病，依家又忙過，看來又唔病得了。。。好趕時間呀。。。

2323，「I am what I am.」

呢幾日既活動都係「拍片、睇片、剪片、睇翻自己拍既片」。甚麼事也不要問我，腦海中只有先前「」內既野。真係令人好氣餒！今朝十點未夠就睇片，揀左《Dogville》黎睇，超長。。。成三個鐘長，睇剩 35 mins 到要放低佢一陣食 Lunch 翻學。撘車個陣睏一睏，好過無得睏啦。

上完日文再上埋半堂 Networking 就補習，今日個 Form 2 好似特別醒神咁，都輕輕鬆鬆，無令我病情惡化。上堂開門見山唔通真係咁見效！？個 Topic 係關於 sin / cos / tan，係難既，不過今日仲係講 D 超簡單既野。今日補個半鐘就收工，仲收埋錢。都係個句啦，兩個鐘太長了。。。

回到家當然睇埋套戲先啦。《Dogville》中的村民可是社會市民中的縮影，儘管女主角 Grace 不斷以「不問回報」的心態盡心盡力幫村民，但係卻被人利用。村民得寸進尺，最後 Grace 同佢黑道老豆下令燒左條村同殺晒 D 村民。可能有人覺得咁係樣殺人係好殘忍，但係人總要為自己所做既事負責。人始終係人，始終係有感情、有自己既底線，點都唔可以做到神一樣般的「包容」。呢套戲睇我點寫 Essay 啦，呢次都大大地穫架啦。

另外想話呢，呢期真係好忙，對身邊既事都不感興趣，剩係掛住 D Assignment。但係咁樣當然唔係一個健康既生活啦。有好多事我應該要知，但係仲未有時間問，總之就有問題啦。不過點都好，我骨子裡還是那麼火爆、怨念強的人，不管我做過甚麼、經歷過甚麼。這並不是否定我沒有改變，只是說我原本是那樣的一個人。

PS. 大家覺得個件事係乜野事呢？聰明既大家應該估到既，近期大家都問我關於那個的問題，但係我總是答「唔知」。唔係玩野，其實我真係唔知。

2405，聽朝寫 Essay，下晝剪片！That’s All.