2244，最後呢。。。

今日係乜都做唔到，點解呢？唔知了，集中唔到吧。只係睇片 Essay 寫左個 Point List，應該都寫得到出黎既。另外今日又收到 Tutor E-Mail，原來禮拜一係 Present 翻上期個份拍片 Assignment，即係好耐之前已經做好左個份！噫，時間又好似多左喎。

打了兩場 AOC，一早一晚，兩 Round 都打左好耐。。。原因係個分高 CPU，另外三個電腦就梅花間竹咁攻過黎，無乜抖氣空間。又攻唔到過去，CPU 又弱雞，Game Time 成三個鐘。。。得閒一齊打下 AOC 吧，無打好耐。。。仲有羽毛球呀！好耐無打了。

難得今日就出左 Keroro，即刻睇埋，大飯團結局，一早估到架啦，不過都仲係咁搞笑。Fate Stay night 踏入中段劇情，好緊湊呢！

今日同阿欣傾左陣，暫定 Summer 無工做的話而又儲夠本既話就一定 NZ + Aus 多天遊。要成團就要有大約萬五蚊港紙 + 三個禮拜時間。一係就無錢有時間，一係就有錢無時間，總之要 Perfect 就好難架喇。佢去左 NZ 四年，翻左 HK 三次，但係我一次都無去過探佢喎。無他既，錢作怪。

PS. 佢走左四年，就係呢四年女仔手都未摸過呀！藕到出菇啦！

2353，咳到癡肺。。。That’s All.

---
1058，唔講唔覺，今日原來係蠢人節。。。

其實呢樣野呢，睇左無耐，大約一兩日到咁上下，覺得個比喻幾好喎！等我又盜用先，大約就係咁既 ↓

自信爆燈既人
佢地 D 燈爆晒
前路一片黑暗

唔怪得之家下日光日白都咁鍾意開燈啦我！