1736，唔知點解有一種感覺。那不是一種好的感覺，覺得今個 Sem GPA 會插水式下跌。。。

2235，依家 D 年青人真係令人嘆為觀止！

Woo，好多野做，好多野未做。今朝都心情靚咁出門，一路都無事直到翻到 City 撘扶手電梯個陣。有條友係身邊攝入黎，心諗邊條仆 __ 撞埋黎。點知一望原來係 BSc 既憤怒的人，真係該煨，無晒 Mood。。。之後睇片 Tutorial 就係憤怒的人同另外兩個同學 Present。第一次聽到憤怒的人講咁多野，不過真係好惡頂。佢成個 Presentation 都係背著 D 人，個 Feel 勁怪。。。總之就唔掂啦佢。真係諗極都諗唔明點解 SCM 會收佢。。。係咪 D 唔想開 BSc 既人收佢架？

咁上完堂就去灣仔買 DVDr + CDr，咁就無左百幾銀。之後行翻去三越買兩個麵包 + 兩支特強葡萄適就撘車去補習。補習前俾左個「櫻花蜜瓜包」+ 支特強葡萄適俾個 Form 1 飲同食。但唔知係咪因為咁，連簡單四則運算都錯。。。反而佢既算式又岩架喎，就硬係計錯數。。。這位 Form 1 學生患上「試前症候群」嗎？真係嚇到我暈。本來對佢好有信心既，但係依家信心全失，都唔知佢聽日 Test 成點了。。。

小組補習超 Hea，Hea 到有 D 覺得浪費我時間，真係無野好講。今日聽到依家有「超級白飯魚」就有點好奇，係咪著左之後黎跑步快 D？踢波都勁 D 呢！？唔係點解對白飯魚咁「超級」呢？

2250，呵，聽日翻唔翻學好呢！？That’s All.

PS. 我可是一個衰人。憎人富貴厭人貧！我無既野就會羨慕 + 妒忌！