2410，我真係好想，好想 Send 個 E-mail 過老師架，可惜 Send 過佢佢個 Mailbox 彈翻轉頭。。。真係感到婉惜。今日有四件事令我機械式的生活加添了色彩，本來就三件既。究竟係邊四件呢？！

1. 日文 OOD 都上得七七八八，今日見到日文堂裡面好多人都著晒 Suit。好明顯佢地要 Present 啦！好明顯佢地係同一個 Course 添。。。可愛既姐姐都著 Suit 喎，另一個 Feel 呢。呢 D 都唔算係乜野重點，重點係我覺得個 Instructor 教得好好！SFQ 會給予高度評價！如果再讀 Elementary Japanese II 既話都會揀翻佢教既班上。真係唔錯，起碼讀得好 Enjoy 嗯！



2. 落堂之後就撘火車落尖咀與老師茶聚。其實應該撘地鐵好 D，火車好似仲唔岩路！又要貴喎！我 Feel 到我係地下行人走廊兜緊路。。。Well，幾經辛苦終於行到去廣東道個間 Pokka Cafe。都諗住行得好快，應該會快過老師，但點知都係佢快過我。。。

當中講過太多野，好多都唔記得晒了。有幾件都仲記得既。咁呢，平安是福，無知也是福呢！正如現在好多關於「洗禮」既事宜我都唔知，但係就透過唔同人既幫助，好多事都好似唔洗自己「勞心」。咁樣算係一件好事定係一件唔好既事呢？

依家機械式既生活令到我人生有點乏味，其實又唔關事既。好似零六年開始就發覺自己好似對身邊既人和事都少了一份「感情」。又唔係話唔關心，但係就好似無令我開心定唔開心咁。坦白 D 講，好似無感情咁。都未致於咁差既，只係少了「大喜大悲」而爾。又用翻 Wilson 個句，真係和晒，無晒火。。。好多野都好似 Used to Be。。。

還有呢，請各位朋友幫幫手，請大家回想一下我上一次「頹謝廢」係幾時，麻煩大家話翻聲我聽行嗎？謝謝。依家我應該係開心左既，因為好多野都睇化左。

PS. 好多時做野都係講 Mood，講野都一樣。今日實在太理性了，少了說見證既一份激情。呵呵，所以老師係 Chok 唔到我講。唔關我「散太極」強唔強既事。



3. 咁行翻去紅磡撘巴士歸家，係巴士站見到肥仔！真係好耐無見了，一諗起佢個樣再加埋動作表情講「唔 __ 係嘛」、「你無病嘛」就覺得好搞笑！肥仔拍我個下好大力囉，直情覺得係痛個隻！

約實下個禮拜五晚吃飯再加下下個禮拜日翻 Church 見我洗禮，非常好！肥仔大大聲話「一個人搵錢一個洗」，所以可以好豪咁洗錢！依家又唔洗去旅行喎，仲唔大把錢洗咩！一講到呢到佢就會話唔好提。。。好！就唔提！但係一定提你裝修之後你應承過屋企人買 Plasma 定 LCDTV！



4. 因為總總原因，今日再次曠工。。。唉，真係唔係幾好意思咁。亦都因為要補翻一次，結果成個 Schedule 都要改，今個禮拜日都要開工呢。。。

本來一心夜晚留係屋企剪片既，但係因為 BoBo 既一個電話。一個同左四個人講左共 45 分鐘既電話！另個電話竟然令我夜媽媽由家中往旺角。。。真係估都估唔到，估唔到自己會出去，俺真係變晒了。

去到旺角係打邊爐 with Alice & Classmates。Kelvin 同我想像中既 Kelvin 差好遠呢！真係一個好人既模樣！說真的，沒有半點假話。由於煙霧彌漫再加上真係有多少攰，都無乜活力。。。看來那些活力在無聊電話中花光了。佢地講左好多野，但係我都聽唔到。。。唔抵呀！蝕晒！

有句真係好正，等我無時間交 Assigmnent 個陣講句 → 「阿 Tutor，可唔可以唔交住呀？我依家有錢無定洗呀！」。家下總於醒起 BoBo 話我有甚麼人生目標，就係那個「廿五歲結婚廿七、八生細路仔」。依家都仲係目標黎既，不過應該達唔到標架喇。

那一群的確是一群好人來呢！



2529，終於打完。。。聽朝仲要七點幾起身。。。成日都應該會忙左去，我仲要剪片呀！！好，再一次祈禱。That’s All.

---
0922，究竟要咳幾耐先唔再咳呢？還有就係要再咳幾耐就要去照照肺呢？萬大事都係病向淺中醫！都好似咳左好耐了。。。

Woo ~ 發左個好夢，唔通我真係有呢方面既 Desire？！