由於天氣太太太凍，雪櫃 D 可樂、鮮奶係呢幾日無人飲過，見就快到期 (鮮奶) ，把心一橫，拎晒 D 鮮奶去煲熱佢，真係正到你唔信。見煲開有鋪癮，又拎埋 D 可樂去煲，加左片薑落去一齊煲，又真係正到頂點！遲下再搵 D 野去煲下先 :D

今晚晚飯無喇喇屋企人係煲飯既途中加左隻雞落去一齊煲，搞到成煲飯都係 D 雞味。。。我唔食雞的，唔係咁大整估嘛。。。又唔早講，真係激死我。我已經細食 + 勁怕凍，最重要支持我整晚活動既晚飯都食唔飽。。。兩隻腳雖然著左襪，不過都仲係凍得好緊要，差 D 凍到壞死咁制。。。由於凍得制，活動能力激降。。隻眼都有多少澀澀地，可能唔夠睏。成晚都無打過機，就算動畫都只係睇得一集。沖完涼已經唔記得左我之前做過乜黎。剩係記得睇左《財經透視》同《新聞透視》，兩套節目都幾值得睇的。

另外見到無喇喇《叱咤》個度首「美中不足」無喇喇由合唱變伴唱 (好似早排新城都改左，個人 Out Out 地家陣先知。) 。呢個真係實在唔要得喇，雖然唔知有關人士用意如何，但係如果為計多半個將項而咁做的話就真係好唔尊重 Deanie 姐。講真我覺得首歌最搶就係 Deanie 姐個把沙沙地既聲，無佢呢首歌根本同普通歌一樣，無喇喇由合唱變伴唱，真係可怒伊！！！
---
尋晚其實都諗住早 D 睏。。。點知倒數前就打緊《機戰 GC》，打到點零到走去打《CS:CZ》，係一片槍林彈雨之中過左個零鐘，不過有時遇到 D 好 Server 就真係唔願走，呢 D 野真係可遇不可求。近三點到本來諗住睏架喇，點知機戰癮又起，又再走左去打過。哈，為左引下其他人，特登 Cap 幾幅圖出黎。 ↓

就快四點鐘個陣都係度諗唔會打機打通頂掛，個陣已經有 D 暈暈地，跟住擊破一部又一部既敵機，要捕獲真係巧麻煩。。。最後挨到五點半到真係頂唔順，走左去睏覺覺。。。至怕第二日上報紙話某廿歲青年懷疑因打機多小時而猝死。。。睇唔到日出，真係衰！睏到今日兩點鬆 D 先起身煮晏晝食。食完做乜野？本來想去睏多陣，不過最後都係繼續決戰自護 → 又打機戰。。。
---
話說尋晚做紅白，咁今日起身睇下有無得 Download 黎睇下喇，暫時仲未有成套紅白，得 D 散件，見到有倉木麻衣個 Part 就咁諗住 Down 黎睇下，點知我認佢唔到。。。真係唔打名都唔知係邊個 ↓

上屆紅白見佢仲幾靚女下，今屆做乜搞成咁啊。。。真要命呢。。。不過佢都唱得算 OK 既，算係 Acoustic Live 黎。有位黑人彈琴另加三位和音，感覺都唔錯。之不過都係最期待 Gackt 既演出 :D