哈，我唔怕，今晚臨睏前照飲熱牛奶 ~ 仲要整多個熱葡撻，正爆！！等頭乾就睏得 ~ 天氣應該會轉暖，學生哥都開始翻學，我都係時候享受下人少少既銅鑼灣先 A_A” 話時話，想再暖 D + 得閒去赤柱飲杯 Coffee 都咪話唔爽 :D
---
呢幾個鐘頭既狀態係 ↓

真係好激動啊！！！以下係其中一個原因 ↓
話說頭先睇翻有涼子姐姐做既 Bistro SMAP，個集嘉賓仲有尚連奴。雖然唔係十分太明佢地講乜，不過都覺得好搞笑，尤其係佢地係度講「Oh ~ Yea Yea」、「A…DaDaDa」，真係勁爆笑！最後個集贏既係中居正廣，大輸家就係草剪剛。贏既禮物就係俾涼子姐姐錫一啖，輸既就俾尚連奴錫一啖。。。

真係睇到我眼都凸埋。。。有無搞錯啊！！！唔制 x 10萬！！不過涼子姐姐個樣真係好甜，最鍾意佢合埋個咀，咀角向上翹個個表情，巧可愛啊！！！不過另外尚連奴都好有型，原來佢都識 D 日文，真係幾意外下。
---
唉。。。都係尋晚自己低能喇。。。臨睏前飲左兩盒鮮奶 + 罐半可樂，搞到成肚水。。。成晚睏著無耐又要起身去過廁所，都起碼兩三次。。。睏得唔係太好，一起身對眼就澀澀地。仲要發左個怪夢，一落街見到好多雞仔係 D 樹上面，佢地係樹上生蛋，D 蛋跌落地就爆開變雞仔，總知一爆開就會變雞仔，咁 D 人行過呢 D 蛋就跌落佢個身上面再爆開變雞仔，爆開個下好似有 D 聲，好似打機打方塊 Game Clear 個隻聲，諗落都幾低能。不過夜媽媽醒左陣，覺得個心有 D 寒寒地，無錯，係淆底。EEE …嚇死我。