1447，我要同大家講句，我俾人呃左 $20。好唔抵！！今晚再講。

2325，好唔 Gur！！

1. 今日應該係 Last 或者 2nd Last 一堂既補習，今日補 I.H.。七大洲四大洋 ... 個學生仲未分到。呢期日日補既 I.S. 佢話考得唔係好好，咁就弊了，萬一真係 Fail 既話，好有機會要 Repeat 了。

開頭見到 Spring 有隻小蜜蜂，咁咪話春天有小蜜蜂翁翁翁。唔夠兩秒，見到冬天都有，但係呢個時間個學生已經窒我話四季都有小蜜蜂。就係呢幅圖 ↓



本來仲有一幅圖，但係個學生搶左去唔俾我影。係寫錯 D 英文字，Church → Chuck、Hospital → Hobita、唔記得左個 Police 佢點錯，但係錯得好搞笑。笑死我 ...

咁我呢 D 人口賤，總係講 D 「唔老黎」既野。同個學生講話 D 書要 Keep 得新淨 D，留返下年 Repeat 個陣用。就算係 Dump 書都等拎成績表時 Firm 左升班先好 Dump。講左幾次之後，個學生又好似 Co 爺咁話「唔好講，我唔同你講野」。真係非常好啦，哈哈。



2. 咁補完習去 Interview，本來已經執好晒 D 野，點知唔記得帶張 CE Cert，咁咪趕返屋企拎。見趕時間，咁咪撘的士。今日俾個仆 __ 的士佬呃囉。

真係好仆 __，個阿伯見到我係趕時間，佢就出招！由香港仔撘去華貴，都係廿鬆 D。我俾 $100 佢，佢仲講出黎話找 $71，應該係 $79。個陣都覺得怪怪地，但係好趕時間，我又無特別留意到，此其賤一！其二係佢找 3 張 $20、1 個 $10。個一個 $10 係唔知泰幣定乜野囉，有樣睇 ↓



真係講句 WTF！找少錢不特止，仲要俾我泰幣我。本來 $20 既車錢變左 $40 … 短程車都唔洗咁嘛。上個禮拜先提到話不要動怒，但係我真係嬲囉。十零廿蚊唔係大數目，但係點解呢個世界會咁醜陋呢？見我趕時間、見我係後生仔、見我無扣安全帶，呢個仆 __ 的士司機，遲早有人修你！平時都無咁大意，總會記住個司機 ID、睇清楚找對錢與否先落車，一急個人就亂，當係無扣安帶既教訓吧。



3. 話就話 Interview，其實就請硬，因為佢趕住請人。開頭我覺得奇怪，無理由教會既青年中心有錢買咁多電腦、仲要有 Photoshop 呢 D 貴價軟件。原來係個間教會同間中學聯辦，係培英中學。

Well，間中學無 Photoshop，都係教 PhotoImpact，即係同上年一樣，唯一唔同就係上晒堂之後學生會做返一張 Poster + Leavelet，真係非常好。$150 / Lesson，有七堂，一堂一粒鐘，頭一堂係 Commision。好彩係用返 PhotoImpact，唔係又要打過 D Notes 既話 $150 蝕死我。

其實 ... 一個鐘夠做乜野呢？Hea 幾野就落堂啦。培英 ... 唔知 D 學生惡唔惡呢，話晒對佢印象都唔係咁好，我會驚架。



4. 唔知 D 文法岩唔岩呢，今日學既 ↓



Alice ...



2410，條氣唔順！！That’s All.