2315，撞親隻手 ... 郁下都痛！

1. +hung 真係識搞笑，原來係扮蟹 ↓





2. 今日放學之後同左 Co 爺去買衫。買乜衫？咪就係佢著黎去 Grad. Din. 。其實都真係幾快樂既一件事，可以花心思係 Grad. Din. 到，為佢既 5 年中學生活畫上一個完美句號，想當年我都無咁做，真係有多少可惜架。

去左銅鑼灣逛，千叮囑萬叮囑叫佢著得「大體」少少，唔好著得咁街坊，個 D So Call「名店」既 Sales 是會「狗眼看人低」的。幸好，佢有聽我講，著得幾整潔。上次佢打波既裝束真係嚇死我 ... 佢既街坊範圍係「未出香港仔隧道」，個範圍都 OK 大。

係 SOGO 逛左陣，開頭睇中 Calvin Klein Jeans 既 $700 牛仔褲、Columbia 既 $250 多功能褲、仲有 Chevignon 既 Jeans，但因為婆仔心態，格個價先，咁就無買到。去左 Time Square 看，甚麼 Issue、I.T. 都唔岩，Co 爺話無 Feel 喎。

呢個時候，咁岩見到有 ↓



Woo ... Club Monaco！非常好！呢個 Brand 既 Design 我幾喜歡的。咁就入去看看，Co 爺連自己既腰圍都唔知囉，Shit。。。試褲好順利，好快就放埋係 Counter 等俾錢。之後佢就買多件類似 Cotton Blazer 既野。條褲有 30%Off，折實 $385，搞到我都有 D 心動買返條褲。最後埋單 $1050。

個兩件野個樣差唔多咁啦，不過係杏色長褲 + 灰色褸 ↓



睇住 Co 爺買衫真開心，終於大個仔肯買長褲了。問佢有無修長褲見得人佢話無、問佢有無對鞋見得人又無話，都唔知係咪既 ... 依家咪幾好，肯買衫。咪意為我好有經驗，，我都係第一次去呢類店鋪「買野」，爽快！

依家 Co 爺仲要買件 Shirt、鞋、Belt、袋，Budget 係 ~$1000。本來今日諗住買埋既，但係我叫佢返到屋企再諗諗先，無謂買唔岩心水啦，切忌心急。禮拜五再繼續吧，大家又諗諗可以點買吧。



3. 買完之後去 Pokka Tea，大家估下邊杯係咖啡、邊杯係奶茶 ↓



聰明人實估到啦，唔講。Co 爺幫我溫書，重溫了那些「甜故」，真可惡。今日教了他一個日文詞語「殘念」，讀 ZanNen。意思係「真遺憾」/「What a Pity」。真係好洗好用！

Co 爺 ... 今日拎住個 Club Monaco 袋，佢好開心，突然間覺得自己 Grand 左。之但係有一句說話叫「著起龍袍都唔似太子」，有 D 野係從心而發，無得充大頭鬼。

話說回家乘車前去一下洗手間，咁 Co 爺個大袋就放左係個洗手盤乾既角落到。我就提佢小心跌落地，點知講完唔夠兩秒個紙袋跌左落地下 ... 應該等我方便完拎住佢先去嘛，真係呢。。。之後離開洗手間既時候，我發然個紙袋沾上了少量黃色的小便，真係「殘念」。。。笑死我笑死我！！！

到上車既時候，就應驗了「樂極生悲」，係巴士度撞到手踭個凹位，隻手痺晒 ... 到依家隻係痛，真係「殘念」。。。



2417，碎埋個 Ending 先，That’s All.↓

．肥仔消失左，又話聽日打羽毛球 ...
．隻手撞親，打唔打到波呢 ...
．Thu 約左 Wilson 去買衫衫，我又要買個條長褲！
．今晚 Sweden Vs. England，好想睇，不過好夜。
．支持 Sweden！Larrson！

---
1350，看看 +hung 又有那些狂言 ↓



依家佢唔覆我，咪即係佢返左工囉 ... 你估我唔信你通頂睇波咩，我唔信你請假咋！呵呵。



對啊，係妳呀！無乜野既，好耐無見，好掛住妳

もう一度，我好鍾意妳的。