2315，我有一條筋，名叫「癡脷筋」。

今日都無乜特別，曾經有一刻動搖過好唔好唔寫 Diary 呢？點解會咁諗？因為當一日好忙好忙、累到透既時候就真係好無 Mood 寫落去。話唔定，當我忙到斃命的時候，個 Diary 就會長埋 Internet 之中吧。

上完普通話，真係身心俱疲。。。打電話找尋消失了的肥仔，原來呢期佢係屋企曬緊個肚腩 ... 仲要打開埋個窗花，費事有個框印！？好好好，我們齊齊去曬太陽。點解肥仔突然間咁想去曬黑個肚腩呢 ... 唔通係 ...

講完呢個電話之後，又同 Wilson 講電話。他說頭痛欲裂，所以今日陪唔到我行街，換句話說，即係「甩底」。我 ... 無話可說了。講過 D 乜野都唔記得晒，證明那些說話是多麼無聊。都未必係無聊既，只係家下我好累，唔想講了。

Co 爺就好啦，Grad. Din. 係 the Excelsior 搞，夠近又夠 Grand。阿妹就好啦，Grad. Din. 係日航酒店搞，日航既甜品真係超好食！！想當年我都唔記得邊度搞，好似係富豪定大富豪，唔記得了，總之覺得唔夠 Grand 吧，食物又只係一般中既一般。點解會咁架 ... 有無得再來多一次？我想 Grand D D。

「Grad. Din.」比「謝師宴」來得貼切，擺到明這類 Event 既重點唔係老師，而係學生啦。大多數女生都盛裝出席，男生一半都會著得官仔骨骨。老師們只係放學後，帶著一臉疲累、普通既返工服飾出席，咪話我聽他們才是焦點吧。

Form 7 既時候著得老氣橫秋都無乜問題，不過 Form 5 就老秋既話就可能早了點點吧。著得青春點、活力點比較好，畢竟大家也年青吧。儘管如此，我還是覺得是應該花點心思在衣著方面，畢竟一生人只有一、兩次。小二唔該，來個大露背黎，要快！

啊，這類 Event 總是有些令人難堪既玩意，例如鬥快食西瓜、壓爆氣球答問題、等等。男士們著晒西裝、靚衫，你要人鬥快食西瓜？女士們著到坦胸露臂，你要人同你壓爆氣球搶答問題！？真係 OMG。難堪都唔緊要，點解要強迫人玩呢？動動腦筋，玩 D 斯文 D、益智 D 既玩意吧。

呢期真係好累，一來有時睇波睏唔夠、二來唔睇波睏夠都好累、三來上堂花光了我的精神。阿欣話我 4 年前都無睇世界杯，今年無啦啦又睇。其實四年前唔係唔想睇既，只係無窿路睇。佢仲千叮囑萬叮囑叫我唔好挨夜睇波，怕係報紙見到我。咁又係既，自己知自己事，都係抖下睏下吧。

2356，明天又要出街，未出發先累透。不過可能是一個很有趣的事情呢，God Knows？That’s All.

---
0944，轉貼的，真係「一語道破」，大家留意下吧！！



即係咁，呢張都係轉貼的 ↓



話分兩頭，先幾日返 City 見返上期日文既可愛姐姐，真係非常好，還是那模樣。今期日文都有個姐姐都「O O 地 K」 的，咁當然係靠化妝 + 服飾啦，但個人本身都唔錯的，個樣大約係咁 ↓



上日文真開心，呵。