2300，真人靚過上鏡喎！

今日果然是一次有趣的經歷，見到有人好唔理智、見識了 Sales 既威力。傷心事當然要提下啦。那麼，講幾句吧。

今日約了 Co 爺 + 靚妹妹買衫，照舊逛了 Sogo 先，睇唔中。到世貿看鞋，看中了一對好 Perfect 既鞋，合付「平靚正」 3 大要素，可惜斷碼，結果無買到。行到 Fashion Walk 那間 Diesel 看，不要問為何要去這間店，應該說是邪靈進體吧。

入到去，邪靈影響得仲大，Co 爺看了一兩件 Shirt，他試了身。當時理智還壓得住邪靈，已經細細聲同 Co 爺講死都話唔靚，千期咪買。但唔知點解 Co 爺出黎話「好睇」，心諗都大大地獲架喇。不出所料，在邪靈驅使下，Co 爺買了那件裇衫。盛惠 $990。反觀 G2000、Bossini 都只係 $99 ... 就算係 Club Monaco 都只係五百多 D，Co 爺好豪呀！！

看過 Co 爺豪爽後，到了 Time Square 逛，爭紮了好耐，究竟買 Nike Casual 同 Converse 好呢？最後買左 Nike，仲要我幫佢碌住先，呢個真係唔要得了。與此同時，我打俾肥仔，說了這件事，期間 Pass 左個電話俾 Co 爺。他倆有以下對話 ↓

肥仔：你用 $990買左件 Shirt 呀？
Co 爺：係呀。
肥仔：買左啦?
Co 爺：係呀。
肥仔：下我覺得真係唔值bor ... 買件Polo都唔洗啦。
Co 爺： ...................... ！哈好 ..... 我比返 Victor。

再重申一次，當時我有同 Co 爺講過話唔好買，真係貴，搵錢辛苦呀！可惜 Co 爺唔醒水。最後一擲千金買了心頭好。未買鞋之前我拋晒鐒，累到腳軟，已經「款 Pei」。買完鞋之後去左 UCC Vienna Cafe 吃 Tea。點解唔去 Pokka？因為 Pokka 實在太遠了！！

這情景真係美好 ... ↓



吃呀吃，補充體力！！Woo ... 仲交換了杯墊，真係 Goodest！吃完之後送走妹妹，同 Co 爺再行下，都係睇唔岩 D Belt，結果係街檔買了條 $10 布 Belt。我個時呆左呆，有點聽唔慣這個數位的價錢。非常好，唔好甩色就夠了。

心血來潮想去睇下 Co 爺將兩千多銀衫著晒上身係點，咁就決定到訪他家。在回程的巴士上，閒談了一會，他的 Part Time 救生員生活是這樣的 ↓



Wilson 之前與 Co 爺有這一些對話 ↓

Wilson：你做呢樣 (救生員) 唔係唔好 .... Summer 做下就好了，長工就唔好。無野學到呢 ....
Co 爺：但係人工高bor ....
Wilson：但係廢呢 .... 你不如做 M 記啦 .... 都算學到 D 野。
Co 爺：下，咁低人工。
Wilson：好過你做救生員啦，做呢D會變廢人。

Wilson 這番話真係得罪唔少人 ...

Well，Co 爺那身裝束就是這樣 ↓



算係咁上下啦，都係件 Diesel Shirt 唔抵唧，其他都幾 OK 的。算係改造成功了 ... 代價不菲呢。。。不過條 Belt 好似怪怪地咁。上半身有少少唔妥，但係又講唔出點唔妥，可能係開胸開胸唔好？！其實件 Shirt 個 Cutting 幾 Fit 的，著左肚腩消失、胸肌激現，真係唔錯既。不過都係個句啦，「貴」。

我這個人甚少內疚，但係我今日為到 Co 爺係 Diesel 買衫一事感到內疚。即係咁，又唔係話唔開心，有靚衫當然開心，之但係個心又硬係「la 住 la 住」咁。搵錢辛苦呀，真係唔應該咁花錢。連我呢個唔關事既都感到肉痛，何況關事個個。真係好有衝動打個電話俾陳老師，同佢講佢學生好豪咁用 $990 買一件 Shirt。如果再來一次，一定會叫佢唔好買，死都話唔岩佢。

Wil 爺 ... 唔約你了，次次都「甩底」，再見 ...

2400，仲有個爛 Gag 既 ↓

妹妹：我叫乜名好？
Co 爺：問妳阿媽啦。

好爛！That’s All.