2224，[國語] 鵝打田牙 [/國語] 。。。

呢幾日個 Server 咪 Down 左既，凌晨時分已經 Online 返。難得既係 Alice 竟然見證了 Server 死而復生既一刻，Timing 又會咁岩既。話分兩頭，個 Web Hosting Inc. 既 CEO 直接 Reply 我，佢聲稱即時炒左負責個位 Tech.。都唔知係咪真既。。。不過 Server Online 返係一件好事黎既。

朝早約左朋友係 KFC 幫我「普通話特訓」，訓左兩個幾鐘，條脷癡晒筋。。。第一次感到 D 牙唔齊帶來的不便 → 漏風。仲有我唔識捲脷，但係講英文既時候又捲到喎。普通話既音調 ... 咪就係好唔自然，讀得自然既話 D 音又唔準，真係唔知點算。拼音都唔算大問題既，頂多死背。

呢一兩日見到我既話都聽我講左大量普通話，乜我 D 普通話真係咁爛？哈，有 D 仲衰到話虐待佢囉。大家要體諒下，由細到大都無學過普通話，平時生活都唔會用到普通話，就算係普通話節目都唔會睇。我又點會識呢。你地都講得無錯既，我都唔知為乜野而 Take 普通話，應該話係我唔應該 Take 普通話吧，反正我又唔會去大陸又或者接觸國語人。

PS. 我都知我的普通話爛既。

特訓後回家抖下同阿欣 Hea 下就再出發上日文堂，今日有個學生講廣東話既同時，個 Instructor 竟然用日文講左句 Reply，真係好離奇！更發現左有個學生個 Tone 勁似 +hung，特別係講 okok 既時候。

聽日就開始為期七日 PhotoImpact Workshop，與此同時聽日亦都係考普通話既日子，都唔知點，再讀下 D 拼音算吧。都無乜野可以做到。

2339，很累很累，想一直睏落去！？恐怖。That’s All.