2336，今日、北京語の試験をしました。私は北京語が下手です。明日、日本語の試験をします。とても忙しいです。

1. 「234-6-234」，今日就係往培英開班既第一日。那些學生都唔聽人講野既，好煩喎。無辦法，基礎野係好悶，其實我都唔想多講。希望聽日會好 D 啦，講真，PhotoImpact 我都唔係好熟，熟既係 Photoshop 吧。

其實 Hea 教絕對唔係問題，弊就弊在有 D 職員間中黎睇堂，有 Pressure 喎。而且成個 Course 完左之後要堆學生做一張 Poster + 一份場刊。我可以 Hea 既，係堆學生大穫 D 唧。不過咪話，D 學生的確係難教 D，所以話 $150 / hour 都唔係易賺的！講到喉嚨都乾埋。。。我深信明天會更好既。



2. 今日考普通話，打左幾次電話搵 Instructor 都無人聽，最後最後電話留言，差 D 無得考 Mid-Term。個 Mid-Term 難唔難？對我黎講係「難」呀。我真係聽不懂普通話呀，我的併音也是背啊。沒有辦法吧，我不聽國語歌、不看國語節目，差不多沒有機會接觸國語呀！

好彩個 Instructor 識廣東話，如果唔係一早 Drop 左呢科。個 Instructor 既 Comment 係嘗試增加一些詞彙，依家詞彙太少，要估我想講乜野。甚至乎估都估唔到。。。都算係咁啦，唔會 Fail 掛。Fail 就仆倒在大地上了。

麻煩大家將我讀普通話既情況看作為外國人講廣東話，大家拿出一些包容吧。我需要練習的機會呀！仲有四個禮拜就完，好快唧。



3. 成朝都好忙，Lunch 都無食，只係考普通話前個半個鐘飲左杯 Latte。考完試之後回香港仔 Tea w/ 林老師 x2 + 朋友 x1。話就話 Tea，其實去到已經差唔多六點。。。因為我的關係，成功將部份時間變做普通話時間，將我爛爛的普通話發揮得淋漓盡至。真係好爛，爛到我都頂唔順。

好耐無講咁多野了，講完一篇又一篇。有樣野真係唔記唔得，就係「熱情」。我由心而發咁敬佩那些「熱情無比」+「朝氣勃勃」既人。他們的熱情絕對可以將冰山融化，真係巧堅啄呀！之不過我就覺得有 D 怪怪地，我唔慣人咁熱情。。。

除此之外，對一個 Term 好有體會，就是 ↓



依家我就是這個 Status 了。又唔係話唔開心，之但係又無話開心。又唔係話忙，之但係又唔係話得閒。不知不覺就會諗好多好長遠既問題，諗完又唔係話解決到，之但係無啦啦就會諗下。我的生活真係好悶、平淡，但係我又唔想要咁多激情，我怕我頂唔順。大家有無一 D 好既提議給我呢？

食完一餐又一餐，餐餐都係白食白喝，個 Feel 幾正架！與林老師在泰國菜吃 Din，蠻不錯的。唉。。。我感覺到精神分裂了。在不同時段，我有不同的想法，穫穫新奇穫穫甘。大家計一下，三十歲就還清政府的債、四十歲就要應付妻兒的洗費、五十歲就供完一層樓、六十歲就要計劃餘生。真係無乜時間喎，我不要為地產商打工，可惜佢地好似細菌一樣無處不在！近少少，畢業我都唔知自己想做 D 乜，亦都唔知自己可以做 D 乜，難道又要「見步行步」！？

今天真的很高興，因為我說了很多感受呀！



2431，Alice ... 喜歡的就會變靚姐姐！金句！！That’s All.