0948，尋日晏晝睇左半集天國的雞批，已經知道呢一套係後現代灰姑娘既故事。我真唔明白 D 人點解可以睇晒咁多集，睇左半集已經想打爆部電視。真係好炆，炆到典地！阿灰姑娘又唔係無錢，對個後母呼呼喝喝都得啦，仲俾佢打到面腫咩。泡菜劇果然係泡菜劇，無記土炮都好過佢。

2400， ↓



完了。終於完了。終於打完機戰 64。。。最尾一話係決戰 3 個 SM 面罩女！之但係完全無大結局 Feel，無任何大堆頭既野，只係個 3 個 Boss 有比嘍囉強丁點既攻擊力。就算出 Roller 既時候，都一樣無乜爆機 Feel。。。算得上是一隻無誠意既作品。。。仲有就係唔多覺有二週目既。隨著機戰 64 既完結，都係時候拎返部 PS2 玩下。

真係「明天會更好」，今日 Workshop 班學生比昨日又好了些。雖然每一次我講解第一次既時候都係極少數人聽，但係行埋去再幾個幾個咁講時候，佢地個個都有聽，係一件好事黎既。不過亦因為咁，今日既進度又慢了一些。。。

仔細思量過，都係每個學生都要做 Poster / & Leaflet，費事有 D 學生推搪。但係有另一個問題就係唔係由得學生點整都得呢？好處就係自由 D、我既工作量細 D，但係壞處就係 D 學生可能唔夠能力 / 時間做、效果可能強差預期。還是我起了 80% 既稿，做左個 Sample 出黎，佢地用自己既方法跟我做呢？！呢個問題好值得研究一下，等我再問下其他意見先。

依家我有多少少當老師既體驗了，一些細微細眼既地方竟然給你最多既鼓勵。講真，我對班學生無任何期望。你黎開心上堂、我黎開心賺錢，大家都開心。但正正就是無期望所以有驚喜。原來 D 學生落堂同你講聲「阿 Sir 再見」係咁好 Feel 架喎！班學生堅就堅在唔係剩係落堂離開課室個下講，就算係校門口見到面、巴士站見到都同我講聲 Bye，真係估都估唔到。

先幾日先講過話點解要做落去，無他既，因為呢個係我地既理想、目標，可能係困難重重、做到心灰意冷。之但係，辛苦既同時又有一些意想不到既驚喜吧。所以話，點可以唔做呢，繼續挨驢仔吧。

仲未講到重點，重點係有個學生同我講樓下呢位姐姐好靚 ↓



涼子姐姐喎，梗係靚啦！！個個 Moment 真係由心笑出黎！

普通話堂，又係比之前好，我覺得我普通話係比之前好左。呢 D 都唔係重點，重點係有其他同學問我關於禮拜二個日無考試既事。Woo ... 唔知點解，我感到人間有情！雖然我連佢既名都唔知，但係心情係有一些微妙既變化。整體來說，我覺得普通話堂既同學們係比日文堂既同學們熟一點點，可能有分組討論既環節吧。

我並不是一個熱情的人，應該說是超慢熱！對著一些唔熟既人，我真係半句說話都唔想講。難道這叫做害羞？Yup, I am a poor shy guy. 都唔係怕醜既，只係唔想講唧。對住一些熱情既人，佢地好似想 「ke-ao」開你把口咁迫你講野，但係我又唔想多講，結果只會搞到無癢。熟我既人就知我是一個口沒遮欄、口水花噴噴既人。我不知幾鍾意講野，我怕悶嘛。亦都係咁，我好鍾意聚餐，因為可以吹水！



2501，夜晚七點先食 Lunch，搞到成日都頭赤赤。。。That’s All.